web counter
LEXO PA REKLAMA!

SHKARKO APP

App Store
Google Play

E fundit!

x

Autori i fotos

5 Dhjetor 2023, 14:47, Editorial REDAKSIONALE
Autori i fotos
Pronari i "Acromax", Aldor Nini

Gënjeshtari publik, Aldor Nini, tentoi të shfrytëzonte një media opozitare, së cilës i shërben për të pastruar figurën e tij, që nuk është e ndotur, por tashmë është e njollosur pas akuzave për përndjekje dhe arrestimit të tij disa kohë më parë.

Nini përdori “Syri TV”-në si një skenë propagande ku kërkoi të bënte lavazh, i ndotur nga e vërteta dhe akuzat penale që rëndojnë mbi të. Gënjeu publikisht dhe pranoi se kishte shërbyer si mercenar i Erion Veliajt, gjoja në emër të mbrojtjes së autorit të kësaj fotoje, të cilën po e ripublikojmë më poshtë.

Autori i fotos

Aldor Nini pak vite më parë raportoi përdorimin e kësaj fotoje për llogari të Erion Veliajt dhe Partisë Socialiste me pretendimin e së drejtës së autorit, ndërkohë që asnjëherë nuk i vuri në dispozicion CNA-së kontratën e tij me autorin e fotos dhe personit që kishte bërë shkrepjen.

Fotoja nuk është një portofol i humbur që CNA e gjeti në rrugë, është një imazh i një politikani, publikuar në rrjetet e tij sociale, publikuar në faqen zyrtar të PS-së.

Dhe Aldor Nini, dje kamikaz dhe shërbëtor i Erion Veliajt dhe i PS-së, sot kërkon të pastrojë imazhin në lavazhin e “Syri TV” të opozitës. Mendon se mund të gënjejë dhe të shpëlahet nga roli i tij si kamikaz politik i Veliajt dhe PS-së kundër fjalës së lirë dhe medias opozitare.

Nuk ka Çim Peka me apo pa “Sy”, Rakipit të ekspozuar ose jo, Armand Shkullakut me laps apo stilolaps në dorë që mund ta shpëlajnë Aldor Ninin, jo vetëm nga akuzat penale për përndjekje, por nga veprimet e tij kundër fjalës së lirë dhe duke abuzuar me të drejtën e autorit.

Sot pas më shumë se 4 vitesh, Aldor Nini nuk ka vënë në dispozicion të CNA-së ende kontratën e autorit që ai pretendon, ndërsa ne ende kemi foton e publikuar në faqen zyrtare të PS-së.

Sqarojmë përfundimisht ninullën mediatike të Rilindjes, të keqpërdorur politikisht se partitë politike paguhen nga fondet e buxhetit të shtetit, nga taksat e qytetarëve shqiptarë. Politikanët në detyrë si rasti i Veliajt, janë zyrtarë që paguhen nga qytetarët shqiptarë.

Fotografët që përdorin partitë, bashkitë, deputetët, kryebashkiakët, janë persona të punësuar në administratë që paguhen nga taksat e shqiptarëve për të kryer ato foto, të cilat janë për publikun, në shërbim të publikut. Dhe media i shërben informimit të këtij të fundit.

Fotoja e politikanit është e paguar nga taksat e qytetarëve dhe këtë Aldor Nini duhet ta mësojë njëherë e mirë, ashtu siç do të mësojë shumë shpejt çdo shqiptar të vërtetën e tij pa ndalim për abuzimet në emër të së drejtës së autorit dhe kjo nuk ka ndodhur vetëm me CNA-në në një rast, jo vetëm me Anila Bashën siç pretendon ai për historitë rozë, por është denoncuar nga opozita, është denoncuar nga këngëtarë, është denoncuar nga gazetarë, sepse Aldor Nini për shumë kohë ishte instrument në politikë dhe kamxhiku që është përdorur kundër mediave me zë opozitar, edhe kundër atyre që sot duan ta shpëlajnë publikisht përndjekësin Aldor Nini, i cili bën sikur qan për ligjin, por e shkel dhe abuzon me të./ CNA





Lajmet e fundit nga