web counter
LEXO PA REKLAMA!

SHKARKO APP

App Store
Google Play

Mesazhi i Altin Dumanit: Jam imun nga retorika politike dhe presioni mediatik

20 Dhjetor 2023, 11:35, Aktualitet CNA

Mesazhi i Altin Dumanit: Jam imun nga retorika politike dhe presioni mediatik

Kreu i SPAK-ut, Altin Dumani, ka dhënë një mesazh të qartë për politikën këtë të mërkurë.

Dumani ka thënë se nuk e shqetëson retorika e politikës, pasi pretendon se SPAK-u është imun ndaj saj.

Ai ka theksuar se SPAK-u ka garanci kushtetuese të ushtrojë ndjekje penale.

“SPAK është përpjekur të ndërtojë marrëdhënie të mirë me shoqërine civile dhe do të vazhdojmë të jemi bashkëpunues. Shumica e çështjeve të SPAK-ut kërkojnë afat të gjatë, ka shtyrje të seancave dhe zvarritje të hetimit. Çështjet me 20 të pandehur krijojnë shtyrje.

Sidomos çështjet me natyrë korruptive dhe shkelje e barazisë në tenderë, apo edhe shpërdorimi i detyrës, kërkojnë kohë shumë të gjatë, por edhe teknika speciale. Nuk krahasohet një çështje e SPAK-ut me një çështje të prokurorive të juridiksionit të përgjithshëm. Sa i takon trasparencës ne jemi perpjekur aq sa ligji na lejon të jemi transparentë me publikun dhe të gjitha i kemi publikuar në faqen e SPAK-ut. Ka njoftime të rralla kur interesi publik është shumë i madh dhe ne kemi reaguar.

Presioni mediatik dhe retorika politike nuk kanë asnjë lloj ndikimi. Jam imun ndaj të dyjave. Këtë përpiqem t’ua përcjell edhe hetuesve. Jemi të vëmendshëm kur evidentohen problematika nga media apo politika në diskutime të ndryshme, sigurisht që ne i ndjekim. Por në raport me hetimet nuk na ndikojnë", ka deklaruar kreu i SPAK-ut.

Këtë deklaratë, Dumani e bëri gjatë fjalës së tij në aktivitetin “Qendra për Studimin e Demokracisë dhe Qeverisë”.

Deklarata e Dumanit vjen në një kohë kur opozita ka hedhur akuza të shumta ndaj SPAK-ut në lidhje me masën e sigurisë për ish-kryeministrin Sali Berisha./ CNA





Lajmet e fundit nga