web counter
LEXO PA REKLAMA!

SHKARKO APP

App Store
Google Play

E fundit!

x

Nga Elvi FUNDO/ McGonigal dhe SPAK-u

10 Janar 2024, 16:49, Editorial Elvi FUNDO

Nga Elvi FUNDO/ McGonigal dhe SPAK-u

Çështja “McGonigal” është rikthyer në debatin publik dhe politik në Shqipëri. Një pretencë e prokurorëve të SHBA-së në datën 5 janar tregon skemën e qartë se si ish-zyrtari i lartë i FBI-së është përfshirë në aktivitet korrupsioni me qeverinë shqiptare dhe jo vetëm kaq.

Dokumentet e çuara në gjykatën e distriktit të Columbias tregojnë se McGonigal ka bërë korrupsion duke marrë para nga shtetasi Agron Neza për llogari të qeverisë shqiptare, ku persona të përfshirë janë edhe shtetasi Dorian Duçka, i cili në hetime përmendej si personi B dhe gjithashtu dhe zyrtarë të tjerë të shtetit shqiptar.(LEXO KETU)

Nga Elvi FUNDO/ McGonigal dhe SPAK-u

Më tej në pretencën e prokurorëve flitet për ish ministrin e energjitikës, biznesmenë, takime sa në Vjenë në Tiranë etj. Korrupsion, skema, përfitime.

Brenda një viti nga hetimet e plota të kryera nga FBI-ja, pasi në SHBA është vënë në dyshim gjithë aktiviteti i McGonigal, është mbyllur një hetim i plotë në lidhje me aktivitetin e zyrtarit të lartë. Pas FBI-së kanë qenë prokurorët që kanë ngritur akuzat dhe çështja tani ndodhet në gjykatë.

Nga Elvi FUNDO/ McGonigal dhe SPAK-u
Charles McGonigal

Rrugës ka pasur një shtim të dënimit, pasi, siç thuhet në dokumente, McGonigal nuk ka thënë gjithçka që në fillim, pra që në momentin e bashkëpunimit me prokurorët, por gjithçka e ka treguar në një fazë të dytë duke ngritur dyshime se bashkëpunimi i tij me prokurorët nuk kishte qenë i sinqertë dhe i vërtetë.

Tashmë faktet janë, personi A me emër, personi B me emër, personi C me emër, korrupsioni është aty, qeveria shqiptare është aty në akuzën e ngritur nga prokurorët e SHBA-së dhe gjykata ka përballë dokumentet.

Nga Elvi FUNDO/ McGonigal dhe SPAK-u

Ku është SPAK-u?

Ajo që pritet tashmë është se çfarë do të bëjë SPAK-u. Për shumë hetime kanë marrë një kohë të gjatë inceneratorët, Ilir Beqaj, Olta Xhaçka, disa në arrati, disa në burgje, disa të lirë. Janë hetime që zgjasin.

Ndërkohë jemi para një rasti tjetër. Fajtorët janë zbuluar, bashkëpunëtori i drejtësisë është personi përgjegjës që quhet zoti Charles McGonigal, i cili i ka dhënë prokurorisë dhe prokurorëve amerikanë detaje të plota për korrupsionin e tij në Shqipëri. Thjesht presin përgjigje disa pyetje.

-Cilat janë pjesët e aktivitetit dhe personat e përfshirë në agjendën e McGonigal?

-Ishte i vetëm në të gjithë këtë histori apo kishte bashkëpunëtorë?

FBI dhe prokurorët amerikanë na thonë që po, ka bashkëpunëtorë, dhe është Agron Neza apo Dorina Duçka.

Fajtor me faj është McGonigal. Po bashkëpunëtorët e tij a janë fajtorë, pasi janë dy pika të rëndësishme:

-E para korrupsioni, siç thuhet në dokumentin e prokurorëve amerikanë, por edhe thyerja e sanksioneve pasi në Shqipëri një biznesmen rus ka përfituar një nga zonat naftëmbajtëse gjatë kohës që lobonin Dorian Duçka, Agron Neza e të tjerë në bashkëpunim me McGonigal.

Nga Elvi FUNDO/ McGonigal dhe SPAK-u
Agron Neza dhe McGonigal

Pra, kush janë personat e përfshirë? SPAK duhet të na i thotë.

Çfarë kanë përfituar? SPAK duhet të na i thotë.

Cila është përgjegjësia e bashkëpunëtorëve shqiptarë në historinë e McGonigal?

SPAK duhet të na e thotë.

Tashmë SPAK dosjen e ka gati, mjafton të tërheqë dokumentet nga SHBA.

Mjafton të zbardhë, të përkthejë, të noterizojë dokumentet e prokurorëve amerikanë dhe të thërrasë në akuzë të gjithë përgjegjësit që janë përballë shtetit shqiptar për korrupsionin, për thyerjen e sanksioneve dhe çdo individ i përfshirë që nga ish-këshilltarët e kryeministrit, që nga Dorian Duçkat e bashkëpunëtorët e tij, bashkëpunëtorët e McGonigal deri te ministra apo kryeministri.

Nga Elvi FUNDO/ McGonigal dhe SPAK-u

Cilido person i përfshirë tashmë thjesht dhe vetëm SPAK-ut i duhet një vulë, një vulë apostile, mbi akuzat e ngritura nga prokurorët amerikanë, pasi ata kanë verifikuar dhe vërtetuar gjithçka. Dhe duhet shpejt përtej tallavasë mediatike dhe politike.

PERBALLË FAKTEVE TË PROKUROREVE AMERIKANË DHE FBI SKA ME DISKUTIME.

SPAK nuk ka nevojë të kërkojë të hetojë, gjithçka e ka gati. Ky është rasti që mund të tregojë se koha është aleati i saj më i mirë dhe për këtë e ka një provë në dorë. Prova është hetimi i dosjes “McGonigal” nga drejtësia në SHBA./ CNA

 





14:47 Editorial REDAKSIONALE

Autori i fotos

Gënjeshtari publik, Aldor Nini, tentoi të shfrytëzonte...

Lajmet e fundit nga