LEXO PA REKLAMA!

SHKARKO APP

Çështja “McGonigal”/ Ish-prokurori tregon procedurën: Kush do ta marrë guximin të fillojë hetimin

28 Shtator 2023, 14:09, Aktualitet CNA
Çështja “McGonigal”/ Ish-prokurori tregon
Ish-prokurori Eugen Beci

Ish-prokurori Eugen Beci ka folur për çështjen e ish-agjentit të FBI-së, Charles Mc Gonigal, duke treguar procedurën si nisin hetimet për një çështje.

I ftuar në emisionin "Të Paekspozuarit" me gazetarin Ylli Rakipi, Beci është shprehur se fillimisht nis prokurorimi, pra Prokuroria e Tiranës fillon çështjen.

Më tej ish-prokurori thekson se nëse gjatë hetimit shikon se ka të implikuar që janë subjekte të SPAK-ut, atëherë ia kalon institucionit.  

Unë nuk e di që e ka bërë një zyrtar i lartë i qeverisë shqiptare takimin me McGonigal në kuptimin e çështjes penale.

“Dhe fillon prokurorimi konkret. Prokuroria e Tiranës fillon çështjen. Thotë dyshohet se ka korrupsion, 225 mijë dollarë kanë ardhur dhe nuk dihet nga kanë hyrë, nga kanë dalë. Kur shikon pastaj që janë të implikuar subjekte të SPAK-ut, ministra, kryeministri ia kalon SPAK-ut”, tha Beci.

Në fund, Beci shprehet se nuk e di se kush do ta marrë guximin për të filluar çështjen, Prokuroria e Tiranës apo SPAK-u.

“Nuk e di kush do të marrë guximin ta fillojë çështjen”, tha Beci./ CNA

Lajmet e fundit nga