Emrat/ Begaj emëron ambasadorët e rinj të Serbisë, Rusisë, Suedisë e Sllovakisë

28 Shtator 2023, 13:32, Aktualitet CNA

Emrat/ Begaj emëron ambasadorët e rinj të Serbisë,

Presidenti i Republikës së Shqipërisë, Bajram Begaj, me propozim të Kryeministrit, dekretoi lirimet dhe emërimet e ambasadorëve në 3 shtete.

Në njoftimin e bërë publik bëhet me dije se janë liruar Ilir Boçka, ambasador në Serbi, Sami Shiba, smbasador në Mbretërinë e Arabisë Saudite dhe Arben Gazioni, ambasador në Rusi.

Ndërsa të emëruarit janë Genc Pecani, ambasador në Rusi, Bardhyl Canaj, ambasador në Serbi, Artur Kuko, ambasador në Mbretërinë e Vendeve të Ulëta, Saimir Bala, ambasador në Arabinë Sauditë dhe Arten Hanku, ambasador në Sllovaki.

1. Lirohet z. Ilir Boçka nga detyra e ambasadorit të Jashtëzakonshëm dhe Fuqiplotë të Republikës së Shqipërisë në Republikën e Serbisë, rezident.

2. Lirohet z. Sami Shiba nga detyra e ambasadorit të Jashtëzakonshëm dhe Fuqiplotë të Republikës së Shqipërisë në Mbretërinë e Arabisë Saudite, rezident, si dhe nga detyra e Ambasadorit të Jashtëzakonshëm dhe Fuqiplotë të Republikës së Shqipërisë në Mbretërinë e Bahreinit, Sulltanatin e Omanit dhe në Republikën e Jemenit, jorezident.

3. Lirohet z. Arben Gazioni nga detyra e ambasadorit të Jashtëzakonshëm dhe Fuqiplotë të Republikës së Shqipërisë në Federatën Ruse, rezident, si dhe nga detyra e Ambasadorit të Jashtëzakonshëm dhe Fuqiplotë të Republikës së Shqipërisë në Republikën e Bjellorusisë dhe në Republikën e Uzbekistanit, jorezident.

4. Emërohet z. Genc Pecani, ambasador i Jashtëzakonshëm dhe Fuqiplotë i Republikës së Shqipërisë në Federatën Ruse, rezident, dhe Ambasador i Jashtëzakonshëm dhe Fuqiplotë i Republikës së Shqipërisë në Republikën e Bjellorusisë dhe në Republikën e Uzbekistanit, jorezident.

5. Emërohet z. Bardhyl Canaj, ambasador i Jashtëzakonshëm dhe Fuqiplotë i Republikës së Shqipërisë në Republikën e Serbisë, rezident.

6. Emërohet z. Artur Kuko, smbasador i Jashtëzakonshëm dhe Fuqiplotë i Republikës së Shqipërisë në Mbretërinë e Vendeve të Ulëta, rezident, dhe Ambasador i Jashtëzakonshëm dhe Fuqiplotë i Republikës së Shqipërisë pranë Organizatave për Ndalimin e Armëve Kimike (OPCË), jorezident.

7. Emërohet z. Saimir Bala, ambasador i Jashtëzakonshëm dhe Fuqiplotë i Republikës së Shqipërisë në Mbretërinë e Arabisë Saudite, rezident, dhe Ambasador i Jashtëzakonshëm dhe Fuqiplotë i Republikës së Shqipërisë në Mbretërinë e Bahreinit, Sulltanatin e Omanit dhe në Republikën e Jemenit, jorezident.

8. Emërohet z. Arten Hanku, ambasador i Jashtëzakonshëm dhe Fuqiplotë i Republikës së Shqipërisë në Republikën e Sllovakisë, rezident./ CNA