LEXO PA REKLAMA!

SHKARKO APP

App Store
Google Play

E fundit!

x

Ngjarja e rëndë në Kosovë/ Begaj i bën thirrje komunitetit ndërkombëtar të reagojë

24 Shtator 2023, 12:22, Kosova & Bota CNA

Ngjarja e rëndë në Kosovë/ Begaj i bën thirrje

Presidenti I Shqipërisë, Bajram Begaj ka reaguar pas sulmit të ndodhur këtë të dielë në Kosovë, në Leposaviq, ku ka ngelur i vrarë një polic i identifikuar si Afrim Bunjaku dhe është plagosur një tjetër. 

Begaj e quan sulmin një akt të organizuar kriminal.

Ai i bën thirrje komunitetit ndërkombëtar të reagojë me vendosmëri ndaj urdhëruesve dhe zbatuesve të këtij akti tejet të rëndë për stabilitetin e Kosovës dhe paqen në rajonin e Ballkanit Perëndimor.

“Shqipëria është gjithmonë në mbështetje të Kosovës”, shkruan Begaj.

“Dënoj me forcë sulmin ndaj policisë së Kosovës në komunën e Leposaviqit, ku mbeti i vrarë një polic dhe u plagosën dy të tjerë.

Ky akt i organizuar kriminal është cënim i rëndë i rendit dhe sigurisë së Republikës së Kosovës.

I bëj thirrje komunitetit ndërkombëtar të reagojë me vendosmëri ndaj urdhëruesve dhe zbatuesve të këtij akti tejet të rëndë për stabilitetin e Kosovës dhe paqen në rajonin e Ballkanit Perëndimor.

Shpreh ngushëllimet e mia të sinqerta për familjen e policit të vrarë dhe uroj shërim të shpejtë për policët e plagosur.

Në këto momente nevojitet më shumë se kurrë qetësi, maturi dhe bashkëpunim i ngushtë me KFOR dhe aleatët.

Shqipëria është gjithmonë në mbështetje të Kosovës.”/ CNA

Lajmet e fundit nga