LEXO PA REKLAMA!

SHKARKO APP

Ekskluzive/ PS reformë në Parlament, zbulohet komisioni

18 Janar 2024, 19:01, Politikë CNA

Ekskluzive/ PS reformë në Parlament, zbulohet komisioni

Partia Socialiste duket se ka avancuar me një të ashtuquajtur reformë, që do të kryejë ndaj Kuvendit të Shqipërisë dhe administratës së tij.

Sipas burimeve zyrtare nga PS-ja, CNA ka mësuar se për të ndërhyrë në administratën e Parlamentit dhe për të krijuar një reformë që do të sillte lëvizje drejtorish, drejtuesish të instituconit dhe individë të punësuar në administratë, ka krijuar një komision.

Komisioni kryesohet nga Eduart Shalsi si kryetar dhe aty bëjnë pjesë Klotilda Bushka, Etilda Gjonaj, Bledi Çuçi dhe Lindita Nikolla. Nikolla si kryetare e Kuvendit dhe Çuçi si kreu i Grupit Parlamentar të PS-së.

Ky komision është në fakt një lëvizje për të çliruar në Parlament më pas një komision “Ad-Hoc”.

Pra për t’i hapur rrugën krijimit të atij komisionit, i cilli do të jetë i emërtuar për raportimin e institucioneve të pavarura në kuadër të integrimit në BE, në fakt është ai mekanizmi që kërkonte Bledi Çuçi në statusin e tij të ditës së hënë (lexo këtu) apo ajo që ka theksuar Lindita Nikolla në takimin e Shëngjinit (lexo këtu), ku po kërkohet që SPAK të japë llogari para Parlamentit.

Ekskluzive/ PS reformë në Parlament, zbulohet komisioni

Pas lëvizjeve të fundit të SPAK dhe hetimeve, hermetizimit të këtij institucioni në informacion, ndoshta Parlamenti po kërkon që të gjejë një instrument për të thirrur në apel Altin Dumanin dhe për të mbledhur informacionin e nevojshëm.

Kjo, një lëvizje politike e mazhorancës për të gjunjëzuar SPAK-un me mekanizma, që po përgatiten nga një komision i drejtuar nga Eduart Shalsi, ku janë gati duke bërë edhe një strukturë për administratën e Kuvendit dhe mësohet se do të ketë lëvizje edhe në drejtuesit e këtij institucioni, drejtoritë përkatëse, ndaj të cilave do të shpallet një reformë.

Më pas, siç e theksuam edhe më lart, do të jetë ky komision i cili do të përgatisë terrenin për ngritjen e komisionit tjetër “Ad-Hoc”, komisionit të përkohshëm që CNA e raportoi dhe që pritet të drejtohet nga Fatmir Xhafaj./ CNA

Ekskluzive/ PS reformë në Parlament, zbulohet komisioni
Fatmir Xhafaj dhe Enver Hoxha

Lajmet e fundit nga