web counter
LEXO PA REKLAMA!

SHKARKO APP

App Store
Google Play

Rama nuk tërhiqet për marrëveshjen me Melonin/ “BE s'është menu ku zgjedh atë që pëlqen”

18 Janar 2024, 18:38, Politikë CNA

Rama nuk tërhiqet për marrëveshjen me Melonin/ “BE

Kryeministri Edi Rama foli për marrëveshjen e emigrantëve me Italinë gjatë një konference për shtyp me homologun e tij bavarez Markus Soder.

Rama tha se marrëveshja nuk shkel asnjë vlerë europiane dhe sipas tij konfliktet politike janë humbje kohe.

Ai u shpreh se BE nuk është një menu ku mund të zgjedhësh atë që të pëlqen dhe të mos marrësh atë që nuk të pëlqen, ndaj theksoi se nuk do të tërhiqet në vendimin e tij edhe pse Shqipëria nuk është ende anëtare e BE-së.

“Së pari, duhet të them se është shumë e rëndësishme të dëgjosh nga të dyja palët këtu në Gjermani se ajo çfarë po bëjmë nuk është në shkelje të asnjë vlere europiane. U përballëm me shumë kritika sidomos nga miqtë tanë socialistë. Ka një marrëveshje nëse nuk gaboj, brenda BE-së që mbështetet te koncepti i rishpërndarjes, çfarë nënkupton se nuk mund të jetë mallkim i Italisë që është toka e parë përtej detit Mesdhe që shihet nga Afrika dhe nuk mund të jetë mallkim i Gjermanisë që është Gjermania. Të gjithë vendet duhet të marrin pjesë, ne po bëjmë pikërisht atë që thuhet në marrëveshjen europiane, një qendër pritjeje për të shfrytëzuar të gjithë procedurat sipas ligjet europiane.

Ka shumë konflikte politike bazuar në interesat e politikës së ditës për këtë temë. Kjo është humbje kohe, humbet horizontin për nga e ardhmja. Kjo është çështje e asaj çfarë BE dhe Europa do jetë 10 vite prej këtej. Kjo është përgjegjësia e udhëheqjes së atyre që janë votuar për këtë. Ne bëmë atë çfarë duhet të bënim sepse për ne BE nuk është një menu ku mund të zgjedhim atë që na pëlqen dhe të mos marrim atë që nuk na pëlqen.  Nuk është temë e këndshme për t’u marrë, por duhet të japim kontributin tonë dhe nuk ka rëndësi pse nuk jemi anëtarë të BE. Kemi detyrë të sillemi si të tillë, nuk ka rëndësi që ju jeni BE dhe ne jo”, theksoi kreu i qeverisë./ CNA





Lajmet e fundit nga