web counter
LEXO PA REKLAMA!

SHKARKO APP

App Store
Google Play

E fundit!

x

Paralajmërimi i Berishës/ “20 shkurti, fundi i narkodiktaturës së Ramës”

10 Shkurt 2024, 19:12, Politikë CNA
Paralajmërimi i Berishës/ “20 shkurti, fundi i
Kreu i PD-së, Sali Berisha

Kreu i PD-së, Sali Berisha ka bërë një paralajmërim për qeverinë, teksa foli për protestën kombëtare të organizuar nga opozita më 20 shkurt.

Berisha tha se 20 shkurti është fundi i narkodiktaturës, fundi i kryeministrit Edi Rama dhe i qeverisë së tij.

“Imagjinoni ju se ç’ndodh me 20 shkurt, kur t’i kujtohen pamjet e zvarritjes së babait të tij shpirtëror. T’i kujtohet udhëtimi me familjen e tij prej bllokmeni që bëri drejt bunkerëve të Zall Herrit. Pra, 20 shkurti po afron. Është dita juaj, dita e shqiptarëve, dita e fitores. Është fundi i narkodiktaturës, fundi i Edi Ramës dhe regjimit të tij”, u shpreh ai.

Kryedemokrati i bëri thirrje fermerëve që t’i bashkohen opozitës më 20 shkurt dhe të vijnë në Tiranë me të gjitha mjetet.

“Mos të harrojmë, Shqipëria në Europë është vendi me peshën më të madhe në ekonomi nga bujqësia. Dhe bujqësia e saj po shkatërrohet nga viti në vit në mënyrë të pandalshme.

I garantoj fermerët se PD me programin e saj do ndalojë rrokullisjen, do stopojë të keqen që i ka kapur ata, do shënojë kthesën e vërtetë. Do rrisë subvencionet, të paktën nga e sotmja me 8 herë.

Do garantojë shërbimet, do garantojë cilësinë e inputeve, do garantojë taksën e ndershme të barabartë në blerje dhe shitje, do garantojë subvencionin për njësi prodhimi, do nxisë eksportet e tyre, do mbrojë prodhimet e tyre.

Fermerë shqiptarë, 20 shkurti është dita juaj, është dita të zbrisni në Tiranë me të gjitha mjetet që keni, është dita të fitoni ju, të fitojë Shqipëria”, theksoi ish-kryeministri./ CNA





Lajmet e fundit nga