LEXO PA REKLAMA!

SHKARKO APP

E fundit!

x

Ekskluzive/ Grupi anti-SPAK në mbledhje me Ramën

27 Janar 2024, 14:45, Politikë CNA
Ekskluzive/ Grupi anti-SPAK në mbledhje me Ramën
Edi Rama

Beteja kundër SPAK-ut duket e qartë dhe ende maxhoranca nuk ka bërë pas, edhe pse Fatmir Xhafaj, vullneteri i parafundit i Enverit po hesht. 

Mesa duket intrigat brenda maxhorancës së Rilindjes vazhdojnë, presioni i 99-çave nuk ndalet. Pas disa skemave për të përgenjështruar lëvizjet e tyre për një komision "Ad Hoc" në parlament për të sulmuar SPAK-un, tashmë po hidhen hapa të mëtejshëm. 

CNA ka mësuar se kryeministri Edi Rama ka mbledhur dy ditë më parë grupin e punës që do të përgatitë një draft për komisionin "Ad-Hoc" që pritet të drejtohet nga Fatmir Xhafaj. 

Sipas burimeve nga maxhoranca për CNA në takim ka qenë grupi i juristëve të Rilindjes, ku i pranishëm ka qenë Engjëll Agaçi, ministri i Drejtësisë Ulsi Manja, Klotilda Bushka, Ermonela Felaj, ish-ministrja e Drejtësisë, Etilda Gjonaj, ish-ministri i Brendshëm, Fatmir Xhafaj, ish-zv.ministri i Drejtësisë Toni Gogu, ministrja e Anti-Korrupsionit, Adea Pirdeni, individë të cilët kanë diskutuar gjërë e gjatë, skemën e hedhur në tryezë disa javë më parë në takimin e Shëngjinit, zhvilluar nga Blendi Çuçi në Grupin Parlamentar dhe thënë publikisht nga Eduard Shalsi. 

Tashmë skemat janë të qarta, brenda maxhorancës një grup po tenton të godasë SPAK-un, gjoja duke u fshehur tek reformat e integrimit apo tek ngritja e administratës së Kuvendit në një nivel tjetër. 

CNA mësuar se në mbledhjen me Ramën, është kërkuar që të përgatitet një draft fillestar, që të diskutohet më pas sesi do të veprohet ndaj SPAK-ut. 

Personi që do të bëjë draftin është Engjëll Agaçi për komisionin "Ad Hoc" dhe për qëllimin që do të ketë ai. 

Lëvizja vjen pas takimit të kryeministrit me drejtorët e agjencive, e cila u pasua me një mbledhje qeverie ku kryeministri ngriti zërin ndaj SPAK.

Ekskluzive/ Grupi anti-SPAK në mbledhje me Ramën
Edi Rama dhe Engjell Agaçi

Por, kjo është thelluar disa ditë më parë me një takim të zhvilluar në Dibër, ku Engjëll Agaçi, Sekretari i Përgjithshëm i Këshillit të Ministrave mblodhi të gjithë Sekretarët e Përgjithshëm të ministrive për t'u mbajtur një leksion anti-SPAK dhe për t'u treguar atyre sesi duhet të veprojnë në rast se BKH-ja dhe Struktura e Posaçme Anti-Korrupsion shkon të marrë dokumente apo informacion në lidhje me hetimet e nevojshme për çështje të caktuara në institucionet qeveritare. 

Tashmë nuk ka ngelur gjë tjetër, thjesht dhe vetëm të mblidhet edhe Shoqata e Bashkive që të urdhërojë kryetarët e bashkive si do veprojnë ndaj SPAK-ut, pasi drejtorët e agjencive janë urdhëruar, Sekretarët e Përgjithshëm gjithashtu, ministrat janë udhëzuar dhe ka ngelur që vetëm Erion Veliaj të mbledhë Shoqatën e Bashkive dhe të urdhërojë kolegët e tij apo t'i udhëzojë si të veprojnë kundër SPAK-ut./CNA 

Ekskluzive/ Grupi anti-SPAK në mbledhje me Ramën
Erion Veliaj

Lajmet e fundit nga