Tensionet në Kuvend/ Berisha: Nuk duam t’i krijojmë, por duhet të mbrojmë të drejtat

26 Janar 2024, 20:13, Politikë CNA

Tensionet në Kuvend/ Berisha: Nuk duam t’i krijojmë, por duhet

Ish-kryeministri Sali Berisha

Ish-kryeministri Sali Berisha e ka konsideruar SHqipërinë si vendin më të korruptuar në Europë. Në fjalën e tij në protestën tashmë të përditshme, Berisha u ndal te aksioni opozitar.

Kryedemokrati tha se opozita nuk donte të krijonte kaos në Kuvend, por u detyruan për shkak se të drejtat e tyre u shkelën.

“Një kauzë e drejtë nuk mposhtet kurrë, ajo mund të njohë ndonjëherë vështirësi, por ajo është e pamposhtur, për aq sa është e vërteta e pamposhtur. Dy muaj më parë, grupi i deputetëve të PD nisi një betejë në parlament. 43 deputetë një betejë pa kthim, një betejë për mbrojtjen e të drejtave tuaj kushtetuese, për mbrojtjen e pluralizmit parlamentar.

Protesta e opozitës/ Këlliçi: Kori i mazhorancës, fajin e ka Sali Berisha
26 Janar, 19:00

Kjo betejë nisi në mënyrën më të pazakontë, me mjetet e mosbindjes civile të papara gjer atëherë në parlamentin shqiptar. Grumbuj karrigesh, tymues, zhurmues, që të gjitha me një qëllim të vetëm për ti thënë parlamentit monist se mbi ne nuk kalon dot kurrë.

Kurse ju shihnit lakejtë e qeverisë në studiot televizive që shfaqeshin të turpëruar me këto akte të opozitës dhe jo me monizmin e shëmtuar të Edi Ramës. Ju në studiot televizive dëgjonit çakejtë dhe lakejtë e qeverisë të cilët përpiqeshin të diabolizonin, të vinin në bankën e akuzës betejën pa kthim, epike të deputetëve të opozitës.

Kaos në Kuvend/ Deputetët përplasen me gardën, përmbysin karriget
21 Dhjetor, 09:35

Deputetët e opozitës në sallën e parlamentit nuk donin të krijonin grumbullin e karrigeve, as dhe të përdornin tymues e zhurmues, por ato ishin thirrja e fuqishme, ishin klithëm e mosbindjes civile të tyre për të mbrojtur parimet e shenjta të kushtetuese të pluralizmit, për të ju mbrojtur ju dhe dinjitetin tuaj, të drejtat tuaja”, theksoi ai.

Më tej, Berisha u bëri thirrje qytetarëve që të ngrihen në protestë për të larguar kryeministrin Edi Rama, pasi sipas tij, vetëm revolta qytetare mund t’i japë fund kësaj qeverisjeje.

Edhe më herët ish-kryeministri ka paralajmëruar se do të ketë protesta massive në vend, ndërsa aksioni opozitar, duke penguar aktivitetin parlamentar vijon prej muajsh në Kuvend./ CNA