LEXO PA REKLAMA!

SHKARKO APP

E fundit!

x

Asamble me të pandehur dhe grupin anti-SPAK/ Rama: Do bëj ripozicionime

11 Shkurt 2024, 11:00, Politikë CNA
Asamble me të pandehur dhe grupin anti-SPAK/ Rama: Do bëj
Kryeministri Edi Rama

Kryeministri Edi Rama ka folur për mediat para nisjes së Asamblesë së PS-së, ku do të bëhen bashkë disa zyrtarë, ministra e kryebashkiakë nën hetim, si dhe grupi i famshëm anti-SPAK.

Rama tha se në këtë Asamble me 400 veta do të raportohet dhe diskutohet për riorganizimin e PS-së.

“Duke qenë se sot nuk kemi transmetime nga mbledhja, po qëndroj në respektin tuaj për t’ju thënë që kjo është një mbledhje pune, raportimesh dhe diskutimesh lidhur me hapat e tjerë që do të ndiqen në funksion të objektivit për të riorganizuar tërësisht PS-në dhe për ta bërë gati për fitoren e radhës.

PS është në një proces jashtëzakonbisht të rëndësishëm dhe ne jemi shumë të vetëdijshëm që është më e nevojshme se asnjëherë më parë një hapje e madhe e partisë dhe një përfshirje sa më e gjerë e të gjithë atyre që kanë dëshirën, kanë edhe nevojën e brendshme të kontribuojnë dhe kërkojnë hapësirën e tyre me plot të drejtë.

Nuk kemi sot asnjë plan për të bërë ndryshime, sot jemi këtu për të bërë një analizë dhe për të marrë veprime të tjera”, u shpreh ai.

Megjithatë, kreu i qeverisë deklaroi se të riorganizimi do të përfshijë të njëjtët persona, edhe ata nën akuzë, bashkë me grupin anti-SPAK.

I pyetur nga gazetarët nëse do të ndëshkojë socialistët që nuk kanë bërë punën si duhet, ai theksoi se nuk do të ketë largime, por vetëm ripozicionime.

“Fjala ndëshkim nuk i shkon organizimit të një familjeje politike, ndërkohë që riorganizimi nënkupton lëvizje dhe ripozicionime në funksion të bërjes sa më mirë të punës”, nënvizoi Rama./ CNA

Lajmet e fundit nga