web counter
LEXO PA REKLAMA!

SHKARKO APP

App Store
Google Play

Drejtësia dhe standardi "Dumani"

28 Mars 2024, 15:24, Editorial Elvi FUNDO
Drejtësia dhe standardi "Dumani"
Altin Dumani, kreu i SPAK

Arrestimi i Jorgo Goros solli shumë pak zhurmë mediatike. Dikush e kontestoi dikush e quajti regji që kontrollon SPAK. Në fakt, të gjithë e dinë mirë se kreun e SPAK-ut prej një viti në detyrë, Altin Dumanin, nuk e kontrollon dot askush. Jo që nuk e kontrollojnë, por nuk mund ta marrin dot as në telefon.

Këtë e di mirë kryeministri, këtë e di mirë Erion Veliaj, skemaxhinjtë e tij, teknicienët që pretendojnë se kanë duart në SPAK, ashtu sikundër e dinë edhe partnerët ndërkombëtarë, të cilët drejtpërdrejt ia dhanë mesazhin kryeministrit për të mos futur duart te Reforma në Drejtësi, për të mos prekur SPAK-un me tezat e komisioneve “Ad Hoc” duke përdorur idiotët e dobishëm të llojit Eduart Shalsi apo mamicat si Elisa e inceneratorëve.(Lexo Ketu)

Në fakt duhet të jenë në gjunjë përpara drejtësisë, por që të kemi një drejtësi të vërtetë duhet të kuptojmë se cila është diferenca e një SPAK-u prej 3 vitesh të drejtuar nga Arben Kraja, që shkatërroi çështjen e inceneratorëve dhe Altin Dumanit, kreut të këtij institucioni prej më shumë se një viti, i cili ka treguar se përballë nuk i stepet askujt. Bashkëpunon dhe u kërkon kolegëve t’u shkojnë deri në fund çështjeve.

Ata që mendojnë se kanë influencë te SPAK-u kanë ngelur trashmë të zhgënjyer nga i pari tek i fundit. Nga kryebashkiaku i Tiranës, i cili donte mbylljen e dosjes së inceneratorit dhe landfillit, që ka gllabëruar mbi 130 milionë euro deri te skemaxhinjtë e tentativave për të lënë të pafajshëm Ilir Beqajn apo ata lart e poshtë që flasin se kanë në kontroll prokurorë të caktuar deri te ndonjë koleg i Dumanit, i cili bën sikur nuk kupton, por rrugës reflekton.

Emrat tashmë dihen, ka dhe nga ata që flirtojnë me pushtetin, por sot ka një të vërtetë, jemi përballë hapave dhe veprimeve konkrete nga SPAK-u. Askush nuk ka më pse të surprizohet. Askush nuk ka më pse të çuditet. Nuk ka më të paprekshëm.

Nuk është i paprekshëm, as një drejtor i rëndësishëm, as një ministër apo ish-ministër nuk është i paprekshëm, as vetë një kryetari bashkisë që kërkon të jetë trashëgimtari i partisë në pushtet e që lutet lart e poshtë të ikin e ata të Kalasë së Dodës që u ka dhënë dorë Reforma në Drejtësi që ai të jetë e ardhmja e Shqipërisë, në fakt detajet bëjnë diferencën.

Drejtësia dhe standardi "Dumani"

Në një vit kemi parë një diferencë nga SPAK-u shumë ndryshe nga ajo e tri vite të shkuara që e vlerësojnë, jo vetëm qytetarët, por dhe ndërkombëtarët.

Në fakt, shumë njerëz të vëmendshëm të politikës apo analistë e kontestojnë, diku e sulmojnë dhe ne shpesh kemi pasur kritikat tona, por faktet po na tregojnë se shumë zyrtarë të lartë kryetarë bashkie po shkojnë dhe po mbajnë përgjegjësi para ligjit.

Por ajo që është vula e Reformës në Drejtësi, edhe pse mund ta ketë thënë vetë opozita, është afera e inceneratorit të Tiranës, janë dosjet e korrupsionit, jo vetëm në bashkinë e kryeqytetit, por skemat, të cilat janë përdorur për blerje votash që kanë çuar në një kontroll të madh të pushtetit që funksionon lehtësisht.

Qeveria jep koncesione para biznesit. Biznesi shkon blen mediat dhe të gjithë dirigjojnë së bashku.

Deri më tani vetëm SPAK-u dhe me besimin te Dumani ka ngelur e ardhmja e Shqipërisë, por ka nga ata që janë ende skeptikë dhe nuk shpresojnë apo besojnë se dirigjon kryeministri duhet të durojnë dhe pak.

Edhe ata ndoshta do të gëzohen, por dhe drejtësia nuk është thjesht gëzim momenti se ka luftë brenda Rilindjes. Jo.

Drejtësia është për të çuar përballë bankës së të akuzuarve të gjithë përgjegjësit që kanë rrënuar një Shqipëri të tërë, kanë zhvatur paratë e shqiptarëve të varfër dhe e kanë kthyer vendin në një vend ku vidhet për të mbushur xhepat e tyre, për ta pasuruar duke kontrolluar segmente pushteti për interesa korruptive, politike dhe kriminale./ CNA





Lajmet e fundit nga