web counter
LEXO PA REKLAMA!

SHKARKO APP

App Store
Google Play

E fundit!

x

SPAK drejt SHBA-së/ Dumani takime në DASH, DEA dhe me zyrtarët e FBI-së

31 Tetor 2023, 14:00, Aktualitet CNA

SPAK drejt SHBA-së/ Dumani takime në DASH, DEA dhe me zyrtarët e

Një grup i zyrtarëve të lartë të SPAK-ut, bashkë me kreun e këtij institucioni, Altin Dumani, ndodhen këtë javë në Uashington DC të Shteteve të Bashkuara të Amerikës në një vizitë studimore.

Pjesë e delegacionit janë edhe disa prokuroë të tjerë përfshi edhe ish-drejtuesin Arben Kraja.   

Prokurorët e Strukturës së Posaçme Antikorrupsion kanë diskutuar edhe sfidat e sigurisë me Shërbimin Marshall të SHBA-së që mbron gjyqtarët, prokurorët, stafin e gjykatës dhe dëshmitarët.


Në një njoftim në rrjetin social në "Facebook", ambasada e SHBA-së në Shqipëri shkruan se vizita e zyrtarëve të SPAK-ut do të përfshijë gjithashtu takime me Departamentin e Shtetit të SHBA-së, Departamentin e Drejtësisë, Administratën kundër Narkotikëve (DEA) dhe Byronë Federale të Hetimit (FBI).

“Zyrtarë të lartë të SPAK-ut po marrin pjesë në një vizitë studimore në Uashington, DC këtë javë. Të udhëhequr nga anëtarët e ekipit të Zyrës për Zhvillimin, Ndihmën dhe Trajnimin e Prokurorisë Jashtë Vendit të Ambasadës së SHBA në Tiranë (OPDAT), zyrtarët e SPAK-ut u takuan me drejtuesit kryesorë të Departamentit të Drejtësisë nga OPDAT dhe Programit Ndërkombëtar të Ndihmës për Trajnimin për Hetimet Penale (ICITAP).

Prokurorët e SPAK diskutuan gjithashtu sfidat e sigurisë me Shërbimin Marshall të Shteteve të Bashkuara, i cili mbron gjyqtarët, prokurorët, stafin e gjykatës dhe dëshmitarët federalë të Amerikës.

Vizita do të përfshijë gjithashtu takime me Departamentin e Shtetit të SHBA-së, Departamentin e Drejtësisë, Administratën kundër Narkotikëve (DEA) dhe Byronë Federale të Hetimit (FBI)”, thuhet në postimin e ambasadës amerikane në Tiranë./CNA





Lajmet e fundit nga