web counter
LEXO PA REKLAMA!

SHKARKO APP

App Store
Google Play

E fundit!

x

Sherri për pronën te Kepi i Rodonit/ Avokati i kishës, akuza shtetit: Punonjësit falsifikuan letrat e pronës

31 Tetor 2023, 09:44, Aktualitet CNA

Sherri për pronën te Kepi i Rodonit/ Avokati i kishës, akuza

Për sherrin në Kepin e Rodonit, avokati Sokol Dendreaj, përfaqësues ligjor i Kishës Françeskane në Shqipëri, u shpreh se dokumentet e pronës janë falsifikuar nga punonjës të shtetit. 

Ai tha se ka mospërputhje të metrave katrorë dhe gjithashtu ndryshon edhe lloji i pasurisë.

“Mendimi im, duke parë edhe dokumentacionin që unë e disponoj, në lidhje me pretendimet dhe paraqitjen e kësaj certifikate, kartele pasurie dhe hartës treguese nga familja Kaculi është vënë në dispozicion provinca françeskane dhe për këtë arsye në vitin 2019 i është referuar Prokurorisë së Rrethit Gjyqësor Durrës, për kallëzim penal sepse ne mendojmë se punonjësit e shtetit kanë falsifikuar këtë dokument dhe na rezulton kjo pasuri”, tha avokati për "Euronews Albania". 


I pyetur sa se është hapësira për të cilën mendohet se është falsifikuar dokumenti, avokati u përgjigj se kemi të bëjmë me një sipërfaqe prej 4114 metrash katrorë tokë që kisha e ka marrë me dokumente që në vitin 2008. 

“Sipërfaqja për të cilën bëhet fjalë është 5700 që pretendon familja Kaçuli, ndërsa e vërteta është se ajo sipërfaqe për të cilën provinca françeskane e ka marrë si sipërfaqe në 2008 është 4114 metra katrorë. Gjithashtu ndryshon lloji i pasurisë”, tha avokati.

Kujtojmë se për këtë ngjarje janë arrestuar disa persona të përfshirë në konflikt, përfshirë këtu edhe ish-deputetin Mark Frroku.

Ngjarja në Kepin e Rodonit:

Ish-deputeti u arrestua nga policia e Durrësit pas një konflikti për një pronë në Kepin e Rodonit. Për sherrin e ndodhur të dielën në prangat e policisë kanë rënë edhe 7 persona dhe 1 tjetër është nën hetim.

Ndërkohë në kërkim është Besnik Toma, i cili sipas policisë ka qëlluar me armë gjatë sherrit. Ky i fundit është një i afërm i Mark Frrokut. 

Konflikti ka nisur për rrethimin e tokës në këtë zonë. Përfaqësuesit e kishës pretendojnë se kanë certifikatë pronësie. Të njëjtin dokument pretendon se ka edhe familja Kaculi, një certifikatë pronësie për të njëjtën pronë. Pikërisht për këtë arsye këta të fundit nuk kanë lejuar që të kryhej rrethimi, veprim që është kundështuar nga grupi i ish-deputetit. 

Ky nuk është konflikti i parë që ka ndodhur në këtë zonë, por është një rast i përsëritur dhe deri më tani nuk është parë asnjë ndërhyrje nga shteti për të zgjidhur këtë konflikt. 

Detaji i të shtënave me armë gjatë sherrit është konfirmuar edhe nga Policia e Durrësit, por ish-deputeti, edhe pse ishte në vendngjarje, nuk ka parë ndonjë person të gjuante dhe as të dëgjonte krismat. Ai ka mbajtur gojën mbyllur para hetuesve dhe nuk ka preferuar të flasë për detajet./CNA

 

 





Lajmet e fundit nga