web counter
LEXO PA REKLAMA!

SHKARKO APP

App Store
Google Play

“Nuk do të lejojmë normalitetin në Parlament”, Bardhi rendit arsyet: Maxhoranca ka vendosur asgjesimin e opozitës

30 Tetor 2023, 18:25, Aktualitet CNA

“Nuk do të lejojmë normalitetin në Parlament”, Bardhi

Deputeti i partisë Demokratike, Gazment bardhi thotë se opozita është e vendosur që të mos lejojmë normalitetin në seanca plenar pasi maxhoranca ka vendosur asgjesimin e opozitës.

Në një dalje për mediat ai renditi dhe arsyet që sipas tij tregojnë se opozita nuk po lejohet që të kryejë veprimtarinë e saj si duhet.

Bardhi shprehet se opozita do bashkëjetesë normale në seancë plenare dhe për këtë duhet që të mos shkelet Kushtetuta.

“Së pari Kryetarja e Kuvendit të ndërpresë ndërhyrjen në punët e brendshmë të Partisë Demokratike. Të lejohen deputetët e opozitës të caktojnë përfaqësuesit që dëshirojnë në Komisionet Parlamentare pa diktim nga ana e maxhorancës. Çuçi ka thënë se Reforma Zgjedhore është çështje politike, jo është çështje e qytetarëve. Pse duan të ndryshojnë praktikën parlamentare? Sepse nuk duam opozitën në Reformën Zgjedhore. Kjo është një e drejtë e opozitës. Duhet të lejohen 43 deputetët e opozitës të ushtrojnë kontrollin ndaj qeverisë. Ata nuk mund ta grisin Kushtetutën e Republikës së Shqipërisë. Nuk mund të pengojnë opozitën. Nuk mund të pengojë opozitën të hetojë vendimmarrjet. Nëse do të duhet që parlamenti të funksionojë normalisht duhet që deputetët e opozitës të lejohen të bëjnë punën e tyre. Maxhoranca ka vendosur asgjesimin e opozitës, ne jemi të vendosur të mos lejojmë normalitetin në seanca plenar. Duam të kemi bashkëjetesë normale në seancë plenare. Apeli im është për kolegët e maxhorancës.”, tha Bardhi./ CNA





Lajmet e fundit nga