Caktohet administratorja shtetërore/ Kush "ka marrë në duar" bizneset e sekuestruara të Jamarbër Malltezit

30 Tetor 2023, 16:00, Aktualitet CNA

Caktohet administratorja shtetërore/ Kush "ka marrë në

Më 20 tetor GJKKO sekuestroi pasuritë e Jamarbër Malltezit, anëtarit të Këshillit Kombëtar të PD-së dhe dhëndrit të ish-kryeministrit Sali Berisha.

Mes pasurive të sekuestruara ishin apartamente, vilë, truall, llogari bankare, si dhe aksione në 3 kompani, “Homeplan sh.p.k.”, “Magnet IMO sh.p.k.” dhe “Magnet Gym and Fit”.

Pas sekuestros, agjencia e administrimit të pasurive të sekuestruara dhe të konfiskuara ka caktuar administratorin shtetëror.

Pasuritë e sekuestruara të Jamarbër Malltezit/ Vilë, truall dhe apartamente
23 Tetor, 16:22

Për të administruar bizneset e sekuestruara të Malltezit është caktuar më datë 24 tetor Eglantina Osmanlli, ndërkohë që vendimi është bërë publik vetëm ditën e sotme.

Konkretisht Osmanlli do të administrojë “Homeplan sh.p.k.”, ku Jamarbër Malltezi ka 45% të aksioneve, “Magnet IMO sh.p.k.” ku ka 100% të aksioneve dhe “Magnet Gym and Fit”, ku ka 60% të aksioneve.

Kujtojmë se dhëndri i ish-kryeministrit Berisha u arrestua me 21 tetor në aeroportin e Rinasit, sapo kishte mbërritur për të pritur bashkëshorten e tij.

Foto - Momenti kur Jamarbër Malltezi arrestohet në Rinas
22 Tetor, 08:23

Ndaj Malltezit rëndon akuza për “Korrupsion pasiv të funksionarëve të lartë shtetërore ose të zgjedhurve vendorë”, kryer në bashkëpunim me Berishën.

Gjithashtu, ai dyshohet se në bashkëpunim me ndërtuesin ka konsumuar veprën penale të “Pastrimit të produkteve të veprës penale ose veprimtarisë kriminale”.

SPAK pretendon se Berisha, në cilësinë e tij si Kryeministër, ka favorizuar procedurat e privatizimit të ish-kompleksit "Partizani" dhe përfitues i drejtpërdrejtë ka qenë Malltezi.

Në tokën e ish-kompleksit "Partizani", Malltezi, në cilësinë e investitorit nga shoqëria “Homeplan” sh.p.k., ka kryer ndërtime dhe përfitimet llogariten në shumën 672 miliardë lekë ose 5 milionë euro./ CNA