E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

CNA shpall Altin Dumanin njeriun e vitit

29 Dhjetor 2023, 11:02, Aktualitet CNA

Altin Dumani

Ndryshe nga të gjitha sondazhet “online”, në redaksinë web dhe TV të CNA gjatë një komunikimi, kreu i SPAK-ut Altin Dumani, u shpall njeriu i vitit.

Me ardhjen e Dumanit në krye të SPAK-ut ka një ndryshim mjaft të madh në ritmin e luftës kundër korrupsionit, ka rezultate të prekshme konkrete.

Pavarësisht kritikave dhe kontestimeve, diku dhe standardeve të munguara nga vartësit e Dumanit, lufta ndaj korrupsionit është bërë më e ashpër, më shumë ministra në akuzë, më shumë kriminelë pas prangave, hetime dhe dosje përvëluese që vazhdojnë të hetohen.

Në institucionet që konsideroheshin të paprekshme, tashmë ka edhe drejtorë pas hekurave. Të tjerë zyrtarë priten të kenë fatin e të korruptuarve, që ndodhen përballë ligjit dhe padyshim shtysën më të madhe, luftën ndaj krimit dhe korrupsionit, ia ka dhënë drejtuesi i ri i SPAK-ut, Altin Dumani.

SPAK, me "dorë të hekurt" ndaj politikës dhe krimit
28 Dhjetor, 20:37

Performanca e tij në krahasim me paraardhësin është më shumë se spektakolare duke vlerësuar dhe çdo kritikë apo pakënaqësi që ne si redaksi dhe shumë media kanë pasur ndaj SPAK-ut.

Nuk ka të pagabueshëm, por te zoti Dumani është parë vullneti i palëkundur për të treguar se ka shpresë për luftën ndaj korrupsionit, kjo me rezultate konkrete.

Ka një luftë të pakompromis me krimin e organizuar, e sjellë kjo në SPAK me frymën e kreut të institucionit, Altin Dumani, që në pak muaj, u ka falur shqiptarëve, institucionin më të besueshëm.

Kjo sipas edhe disa sondazheve që CNA ka realizuar “online”, ku SPAK tashmë shihet si një institucion që përveç akuzave sjell dhe ndëshkimin e shumëkërkuar nga qytetarët për abuzuesit me pushtetin dhe përgjigjen e duhur që duhet të marrë krimi.

Sondazh/ Si e vlerësoni punën e Altin Dumanit në krye të SPAK?
2 Gusht, 15:24

Dumani njihet nga të gjithë si prokurori që nuk hezitoi të prekte dosjet “e nxehta” të SPAK-ut, ku në të janë të përfshirë shumë “peshq” të mëdhenj.

SPAK, në drejtimin e Dumanit, sidomos muajt e fundit vijon hetimet për afera korruptive miliona euroshe si inceneratorët, sterilizimi, check-up.

Nga hetimet në këto dosje janë arrestuar ministra, drejtues e lartë, ku nuk përjashtohen as zyrtarë të Bashkisë së Tiranës.

Lajme të reja të rëndësishme, goditje të krimit, grupeve të strukturata kriminale, zyrtarë pas prangave, presim nga SPAK edhe gjatë 2024. Sigurisht nën drejtimin e Altin Dumanit./CNA