LEXO PA REKLAMA!

SHKARKO APP

Ambasada amerikane konfirmon lajmin e CNA-së për takimin Blinken-Dumani

15 Shkurt 2024, 12:22, Politikë CNA
Ambasada amerikane konfirmon lajmin e CNA-së për takimin
Ambasada amerikane

Ambasada amerikane në Tiranë ka konfirmuar burimet diplomatike të CNA-së për takimin midis Sekretarit Amerikan të Shtetit, Antony Blinken dhe kreut të SPAK-ut, Altin Dumani, që po zhvillohet sot në kryeqytet. 

CNA ishte e para media që raportoi lajmin, për takimin mes Dumanit dhe Blinken-it, ndërkohë që shumë media e mohuan një takim me zyrtarin e lartë amerikan dhe kreut të SPAK-ut, në një moment historik si ky i sotmi. 

"Mirë se vjen në Shqipëri, Sekretari Blinken! Gjatë vizitës së tij të parë në Shqipëri, Sekretari i Shtetit i SHBA, Antony Blinken do të takohet me Presidentin Bajram Begaj, Kryeministrin Edi Rama dhe do të marrë pjesë në një aktivitet të veçantë rinor te Piramida e Tiranës, për të festuar të ardhmen e marrëdhënieve SHBA-Shqipëri. Ai do të takohet gjithashtu me drejtues të sistemit të drejtësisë dhe komunitetin e ambasadës. Na ndiqni përgjatë kësaj vizite historike", thuhet në reagim.

Blinken mbërriti në Rinas, në orën 11:00 të paradites së sotme.

CNA mëson se takimi mes Dumanit dhe Blinken-it, zhvillohet në ambientet e ambasadës amerikane.  Në 13:35, zyrtari i lartë amerikan do zhvillojë një takim me punonjësit e ambasadës amerikane. 

Takimi mes Blinken-it dhe Dumanit, përcjell mesazhin e mbështetjes amerikane për sistemin e drejtësisë në vend.

Theksojmë këtu se ardhja e Blinken-it në Tiranë ndodhi menjëherë pas tentativës për ngritjen e komisionit anti-SPAK nga mazhoranca, përtej shitjes si mbështetje për qeverinë.

Po kështu, vizita e tij në Tiranë vjen menjëherë pasi CNA raportoi se mazhoranca me një grup 99-çash dhe ish-“vullnetarë” të Enverit po përgatisnin një komision për të luftuar SPAK-un, Strukturën e luftës kundër Krimit dhe Korrupsionit, ndërtuar me financimet e qytetarëve të SHBA-së dhe BE-së.

Agjenda e Blinken-it: 

Në orën 13:35 Blinken do zhvillojë një takim dhe do përshëndesë punonjësit e ambasadës amerikane në Tiranë dhe anëtarët e familjes në Tiranë, Shqipëri.

Në orën 14:15 Blinken do të takohet me afganët që kanë aplikuar për vizë.

Në orën 15:05 Blinken do të takohet me Presidentin Bajram Begaj në Shqipëri.

Në orën 15:35 pasdite Sekretari Blinken do të mbajë fjalime në një aktivitet të të rinjve dhe të diplomuarve me temë “Festojmë të ardhmen e marrëdhënieve SHBA-Shqipëri” në Tiranë, Shqipëri.

Ora 16:15 Blinken do takohet me kryeministrin Edi Rama.

Ora 17:55 Sekretari Blinken do të marrë pjesë në një ceremoni nënshkrimi për një Memorandum Mirëkuptimi mbi Shkëmbimin Akademik Fulbright dhe një Memorandum Mirëkuptimi mbi Kuadrin Kundër Manipulimit Informativ të Shtetit të Huaj në Tiranë, Shqipëri.

Ora 18:10 Blinken dhe kryeministri Edi Rama do të mbajnë një konferencë të përbashkët shtypi në Tiranë, Shqipëri./CNA

 

Lajmet e fundit nga