web counter
LEXO PA REKLAMA!

SHKARKO APP

App Store
Google Play

Belind Këlliçi sfidon Baton Haxhiun/ Hajde shkojmë të dy në SPAK

14 Shkurt 2024, 19:15, Politikë CNA
Belind Këlliçi sfidon Baton Haxhiun/ Hajde shkojmë të dy
Drejtuesi politik i PD-së për Tiranën, Belind Këlliçi

Njeriu i paguar nga inceneratorët me 4400 euro në muaj, Baton Haxhiu, kërcënoi "live" në emisionin "Opinion" disa ditë më parë drejtuesin politik të PD-së për Tiranën, Belind Këlliçin.

Lidhur me këtë kërcënim foli këtë të mërkurë vetë Këlliçi, i cili sfidoi hapur Baton Haxhiun, teksa përmendi para e inceneratorëve dhe pagën e marrë në një spital privat.

Ai tha në emisionin e Sonila Meços se nuk priti që gazetari të shkonte deri në kërcënim vetëm për faktin se i denoncoi paratë e marrë nga njerëzit e inceneratorëve.

Drejtuesi politik i PD-së për Tiranën ftoi Baton Haxhiun të bëjë publike çdo dokument që mund të ketë kundër tij dhe të dy të shkojnë dhe të përballen në SPAK.

“Sigurisht në momentin që nxjerr një gazetar ose një figurë publike e nxjerr të gënjeshtër, siç ndodhi me Baton Haxhiun, sigurisht do presësh një reagim shumë të fortë dhe nuk ma mori mendja se do të rrëshqiste deri në kërcënim. Tentativa më pas për ta shtuar dozën e kërcënimit që ka bërë Batoni para dy netësh mos gaboj, ku aludon për dosje të miat në SPAK… unë e ftoj Batonin të bëjë publike çdo shkelje që unë mund të kem bërë në jetë, të bëjë publike çdo informacion që paska për mua.

Por Batoni nga ana tjetër nuk e mohon dot që është paguar nga inceneratori i Tiranës. Batoni ka marrë para nga inceneratori i Tiranës, është paguar me 4 mijë euro për 6 muaj me radhë. Është i njejti individ që e kishte rrogën diku te 28 mijë euro në jë spital privat në Shëipëri dhe nuk e fsheh dot që ka marrë para nga inceneratori i Tiranës për të mbrojtur bandën e inceneratorit të Tiranës.

Kështu që në momentin që unë kam 6 muaj që akuzoj me fakte dhe me prova bandën e inceneratorit të Tiranës, ku përfshihen politikanë, analistë, pronarë mediash, sigurisht presta nomet që kanë vendosur qoftë Mirel Mërtiri, qoftë Klodian Zoto, qoftë nga individë të huaj, sigurisht pret që gjithçka të ndodhë.

Sugurisht që kam patur intimidime. Jam paditur disa herë unë nga Mirel Mërtiri që në vitin 2020 fillimisht. Kam patur 3 padi. Pastaj jam kërcënuar, jam intimiduar nga forma nga më të ndryshmet, por nuk e kam ndalur punën. Ajo çka ka bërë Batoni ka kaluar çdo limit edhe të etikës dhe të komunikimit normal. Por i kapur me presh në duar, duke gënjyer nga një studio në një tjetër dhe të rrëzosh veten tënde brenda 30 minuave sigurisht e detyroi Batonin të kalojë në kërcënim. Bujrum Batonit, të publikojë çfarëdolloj fakti që ka, ta bëjë publike dhe të shkojmë në SPAK unë bashkë me Batonin. Unë që paskam shkelur ligjin dhe Batoni që nuk paska marrë para dhe nuk paguhet nga inceneratori i Tiranës”, theksoi Këlliçi./ CNA





Lajmet e fundit nga