E fundit!

14:42 Editorial

Çmenduria e një avokati të pandehur

Plarent Ndreca na qenka bërë sot autor i një zbulimi epoka...

Emërimi i njeriut të inceneratorëve te Pasuritë e Sekuestruara/ Këlliçi-Ballës: U kape me presh në duar

13 Shkurt 2024, 14:13, Politikë CNA

Emërimi i njeriut të inceneratorëve te Pasuritë e

Belind Këliçi

Drejtuesi politik i Tiranës për Partisë Demokratike, Belind Këlliçi u shpreh në një deklaratë për mediat nga selia blu se denoncimi i tij, demaskoi emërimin e njeriut të inceneratorëve në krye të pasurive të sekuestruara dhe Taulant Balla u kap me presh në duar.

Këlliçi nënvoi se Balla u detyrua të shfuqizojë menjëherë emërimin e të besuarit të bandës së inceneratorëve, Ferdinad Tarazhin nga kreu i Agjencisë së Pasurive të Sekuestruara dhe Konfiskuara.

Sipas Këlliçt, Balla e ka ditur që në fillim se kë po emëronte në këtë post, por kur lajmi u bë mediatik, u tërhoq.

"Taulant Balla e dinte shumë mirë se kë po emëronte. Caktimi i Tarazhit ishte pjesë e skemës gjigante të inceneratorëve. Balla thjesht shpresonte që akti i tij të mos merrej vesh, të kalonte në fshehtësi", shprehet ai.

Një ditë më parë Ministri i Brendshëm, Taulant Balla i delegoi kompetencat e drejtimit të Agjencisë së Administrimit të Pasurive të Sekuestruara, Idriz Haxhiajt. CNA siguroi dokumentin që mban firmën e ministrit të Brendshëm, ku theksohet se Agjencia e Pasurive të Sekuestruara do të drejtohet nga Haxhiaj deri në emërimin e kryeadministratorit të ri.

Deklarata e plotë:

Të nderuar qytetarë,

Ditën e djeshme denoncova nga kjo foltore skandalin e radhës për biznesin fitimprurës të inceneratorit fantazmë të Tiranës.

Pronari faktik, që siç e dëshmoi dhe vetë ish nr.2 i qeverisë, është Erion Veliaj, u kujdes që administrimi i parave të bëhej nga Ferdinand Tarazhi, njeriu i besuar i prestanomeve të përdorur deri tani.

Pasi u prezantua nga Sekretari i Përgjithshëm i Ministrisë së Brendshme në orën 10:30, Tarazhi do të shkarkohej vetëm pak orë më vonë nga Ministri i Brendshëm, fill pas denoncimit tim.

Shkarkim që fillimisht u mohua nga Balla dhe mediat e paguara nga Inceneratori i Tiranës, me në krye portalin e Carlo Bollinos, tashmë të kallëzuar në SPAK për grabitjen e truallit publik në mes të Tiranës. Por çfarë thotë vetë shkresa e bërë publike nga Taulant Balla dje?

Në ekran të nderuar qytetarë keni këtë shkresë, ku në pikën 4 citohet shprehimisht: ‘Urdhri nr.39, datë 12.02.2024, i Ministrit të Brendshëm ‘Për delegim të kompetencave’ shfuqizohet’.

Taulant Balla i kapur me presh në duar, u detyrua të shfuqizojë menjëherë emërimin e të besuarit të bandës së inceneratorëve.

Në fakt që në krye të herës, Taulant Balla e dinte shumë mirë se kë po emëronte. Caktimi i Tarazhit ishte pjesë e skemës gjigante të inceneratorëve. Balla thjesht shpresonte që akti i tij të mos merrej vesh, të kalonte në fshehtësi.

Forca e Opozitës së pakapur kjo është. Të denoncojë skandale si ky, tu tregojë qytetarëve të vërtetën sa herë abuzohet me pushtetin.

Rasti i djeshëm mund te jetë unik në botë se si një ministër, emëron e më pas shkarkon pas vetëm pak orësh një drejtor të rëndësishëm. Njeriu i Mërtirit dhe Erion Veliajt do të vijonte të ushtronte detyrën shtetërore të menaxhimit të inceneratorit, pra do vijonte ta kontrollonte impiantin e miliona eurove, nëse ne nuk do të kishim reaguar në kohë rekord.

Garantojmë qytetarët se Partia Demokratike është e vendosur që të mos ndalet së denoncuari dhe kallzuari të gjithë ata persona që janë të përfshirë në këtë mega aferë dhe jo vetëm.

Ditët në vijim, unë do të publikoj sërish të tjera dokumente për biznesin e dherave dhe pasuri të fshehura në kullat e Tiranës, të cilat SPAK ende nuk i ka sekuestruar.

Momenti ka ardhur që SPAK të mos heshtë më, ndryshe kjo strukturë thjeshtë do të konsiderohet si partnere e grupit të strukturuar kriminal që ka ideuar dhe implementuar aferën korruptive të shekullit./CNA