LEXO PA REKLAMA!

SHKARKO APP

Protesta e 20 shkurtit, në fokus/ Zbardhen diskutimet në Këshillin Kombëtar

12 Shkurt 2024, 19:01, Politikë CNA

Protesta e 20 shkurtit, në fokus/ Zbardhen diskutimet në

Në mbledhjen e Këshillit Kombëtar të Partisë Demokratike u diskutua përprotestën kombëtare të njoftuar nga opozita më 20 shkurt.

Në diskutimet e këshillit, deputeti Flamur Noka kërkoi që anëtarët t’i referohen protestës së 7 korrikut si shembull.

“Mbledhja vetëm një pike: aksioni i PD-së dhe protesta e 20 shkurtit. Kemi një shembull referimi kur punojmë bashkë dhe organizohemi siç është protesta e 7 Korrikut. Të përcjellim mesazhet edhe në rrjete sociale. Tani puna kapilare pas mbledhjes së strukturave. Bashkimi ka dhënë mesazh tek demokratët. Kemi vetëm 8 ditë para protestës. Me të gjithë deputetët takime në qendrat e degëve”, tha Noka.

Ish-deputeti Myslim Murrizi, ka kërkuar të shihet në një prizëm më të gjerë dhe opozita të mos fokusohet vetëm tek protesta, por edhe tek aksioni më pas.

“Me 20 mirë, është protesta, por me 21 çdo bëjmë???”, shtroi ai pyetjen.

Megjithatë, edhe kreu i Këshillit Kombëtar kërkoi që fokusi të jetë te protesta. Ai deklaroi se të gjithë deputetët pa përjashtim duhet të jenë në bazë.

“Të gjithë kemi mëkatet tona në politikë, por na takon të ecim bashkë për qëllimin madhor”, deklaroi Paloka.

Të njejtin qëndrim ka mbajtur edhe deputeti Bujar Leskaj, por ai kërkoi një mbledhje më të gjatë për analizim.

“Kryefjalë është protesta 20 shkurtit. Jam dakord të fokusohet puna për pjesëmarrjen. Por na duhet mbledhje më e gjatë për një analizë. Faktorë të brenshëm ndihmues janë fuqitë dhe mundësitë. Duhet ta shohim njeri tjetrin me shume dashuri. Kemi objeksion te perbashket. Duhet pare forme e re organizmi por me pare na duhet analiza”, nënvizoi Leskaj.

Nga ana tjetër, për aksionin pas protestës Edi Paloka theksoi se këshilli do të mblidhet sërish./ CNA

Lajmet e fundit nga