web counter
LEXO PA REKLAMA!

SHKARKO APP

App Store
Google Play

E fundit!

x

Financat “çalojnë” në pushtetin vendor/ Mazniku: Ja dy bashkitë më problematike

12 Shkurt 2024, 18:46, Politikë CNA
Financat “çalojnë” në pushtetin vendor/ Mazniku: Ja
Ministri për Pushtetin Vendor, Arbjan Mazniku

Ministri për Pushtetin Vendor, Arbjan Mazniku, e shikon të nevojshme foli për problemet financiare të bashkive të vendit.

Mazniku tha në një dalje televizive se duhet ende stabilizim dhe ekuilibrim për kostot mes të ardhurave nga buxheti i shtetit dhe buxheti i bashkive.

“Kemi nevojë të stabilizojmë pak edhe mënyrën se si janë të punësuar njerëzit, për të ekuilibruar koston midis të ardhurave që vijnë nga buxheti i shtetit dhe të ardhurat nga buxheti i tyre. Po bëhet një analizë dhe do ta ndajmë edhe me publikun. Ka një dakordësi për të mbështetur bashkitë për një rritje të pagave”, u shpreh ai.

Si dy bashkitë më problematike, ministri përmendi Vorën dhe Kavajën, për të cilat tha se kanë probleme të trashëguara.

“Janë disa bashki që kanë probleme me raportin midis totalit të detyrimeve ndaj palëve të treta dhe totalit të të ardhurave që kanë. Një problem është i trashëguar në kohë dhe një pjesë e problemit është shtuar në vijimësi. Do të ketë një mbështetje me të ardhura për të mbështetur detyrimet e prapambetura që bashkitë kishin.

Do të kemi një pamje të qartë se sa detyrime bashkitë kanë, por do t’i jepet një frymëmarrje shumë bashkive. Vora dhe Kavaja janë dy bashkitë më problematike. Po asistojmë me mekanizma të ndryshme, në mënyrë që të kemi një funksionim më të përgjegjshëm dhe për të dalë nga kjo situata. Kujtojmë se përpara disa vitesh shumë bashki ishin në këtë situatë, por sot është ndryshe pasi kemi vetëm dy bashki dhe besoj se shumë shpejt do t’i nxjerrim nga kjo situatë.

Para reformës administrative 70 % e bashkive ishin në gjendje problematike. Shumë shpesh flasim për mënyrën se si bashkitë i shpenzojnë të ardhurat dhe nuk flasim për mënyrën se si i mbledhin. Pra, mendoj që do të duhet të diskutojmë këtë çështje duke parë edhe se si mblidhen këto para. Bashkitë duhet të tregohen të përgjegjshme dhe fakti që 57-58 bashki ia kanë dalë që të kenë financa të shëndetshme, pasi ka qenë situatë tjetër para 8 vitesh, është një tregues i qartë që këto bashki të kenë financa të shëndetshme. Duhet të përmirësojmë mënyrën e hyrjes së të ardhurave”, theksoi Mazniku./ CNA





Lajmet e fundit nga