LEXO PA REKLAMA!

SHKARKO APP

Zbulohet data, kur do të mbërrijë në Tiranë Antony Blinken

13 Shkurt 2024, 11:49, Politikë CNA
Zbulohet data, kur do të mbërrijë në Tiranë Antony
Antony Blinken

Sekretari Amerikan i Shtetit, Antony Blinken, do të zhvillojë një vizitë zyrtare në Tiranë. Autoritetet amerikane kanë njoftuar se Sekretari Amerikan i Shtetit do të vizitojë Shqipërinë këtë javë në periudhën 14-17 shkurt.

Por, sot raportohet në media se Blinken do të mbërrijë në Tiranë më datë 15 shkurt, kur pritet që avioni të ulet në aeroportin e Rinasit.

Burime diplomatike bëjnë me dije se gjatë vizitës në Tiranë, Blinken do të zhvillojë një takim me kreun e SPAK-ut, Altin Dumanin.

Ndodh për herë të parë që një Sekretar Shteti të takojë një drejtues Prokurorie. Në këtë takim, Blinken synon të tregojë dhe ritheksojë mbështetjen e SHBA-së për Prokurorinë e Posaçme.

Theksojmë këtu se ardhja e Blinken është menjëherë pas tentativës për ngritjen e komisionit anti-SPAK nga mazhoranca, përtej shitjes si mbështetje për qeverinë.

Vizita e tij në Tiranë vjen pasi CNA raportoi se mazhoranca me një grup 99-çash dhe ish-“vullnetarë” të Enverit po përgatisnin një komision për të luftuar SPAK-un, Strukturën e luftës kundër Krimit dhe Korrupsionit, ndërtuar me financimet e qytetarëve të SHBA dhe BE-së.

Pas vizitës së tij në Shqipëri zyrtari i lartë amerikan do të niset drejt Gjermanisë./CNA

 

 

 

Lajmet e fundit nga