LEXO PA REKLAMA!

SHKARKO APP

Berisha, mesazh qytetarëve/ PD do fitojë sërish, sulmet na dhanë forcë

12 Shkurt 2024, 19:13, Politikë CNA
Berisha, mesazh qytetarëve/ PD do fitojë sërish, sulmet na
Ish-kryeministri Sali Berisha

Ish-kryeministri Sali Berisha dha disa mesazhe për qytetarët gjatë fjalës së tij për protestuesit nga ballkoni i shtëpisë.

Berisha tha se PD do të fitojë sërish, pasi theksoi se sulmet do e bëjnë më të fortë në përballje.

“Ne kemi përballë një agresion të hapur ndaj opozitës. Kryetarit nuk i lejohet emri në fletën e votimit dhe arrestohet në procesin më politik të dokumentuar në historinë e Europës. Ne jemitë sulmuar nga gjykatat e partisë që na mbajnë peng vulën e partisë. Ne jemi të sulmuar nga disa prej medieve më të mëdha të vendit që për mëkatet e qeverisë, thonë fajin e ka opozita.

Por janë këto vështirësi, të cilat kanë aktivizuar ADN-në tonë shqiptare dhe si shqiptarë ne japim forcë të përballemi të pamposhtur me çdo gjë. Janë këto sulme që zgjojnë luanin brenda nesh dhe na japin guxim të përballemi me hienat dhe këtë e kemi provuar.

Kemi fituar dy herë, në fakt tre herë, në kushtet më të pamundura dhe ne do fitojmë përsëri. Do fitojmë për të ardhmen e rinisë shqiptare, për demokracinë, për Shqipërinë. Të dashur demokratë, përulem para jush me mirënjohjen më të thellë.

Në moshën time, në një moshë që unë mendoja se kisha parë gjithçka nga jeta, më dhatë shansin për të përjetuar emocionet më të fuqishme. Më frymëzuat duke qëndruar përpara çdo sulmi që iu bë PD-së si viganë të vërtetë të interesit kombëtar”, u shpreh ai.

Kryedemokrati bëri edhe një thirrje për qytetarët që të marrin pjesë në protestën e organizer nga opozita më 20 shkurt./ CNA

Lajmet e fundit nga