web counter
LEXO PA REKLAMA!

SHKARKO APP

App Store
Google Play

E fundit!

x

A do ia tregojnë Blinkenit inceneratorin e Tiranës dhe investimin 130 milionë euro

12 Shkurt 2024, 20:00, Editorial CNA
A do ia tregojnë Blinkenit inceneratorin e Tiranës dhe investimin 130
Sekretari amerikan i shtetit, Antony Blinken. Në sfond, inceneratori i Tiranës

Sekretari amerikan i shtetit, Antony Blinken vjen në Tiranë, në një vizitë që sërish mund të quhet historike.

Është i gjashti sekretar që zbarkon në Shqipëri, por ndryshe nga të tjerët Blinken është njeriu që ka firmosur “non-grata”-n për Sali Berishën, ish-kryeministrin dhe ish-presidentin e vendit.

Blinken vjen në një situatë mjaft të tensionuar, kur akuzat e palëve politike janë të forta, por nga ana tjetër, edhe SPAK, institucioni i krijuar nga Reforma në Drejtësi me financime të drejtpërdrejta të SHBA-së dhe BE-së ka pritshmëri mjaft të mëdha.

Ka pritshmëri mjaft të mëdha sepse SPAK tashmë shihet dhe si opozitë, shihet si oponente e mundshme e pushtetit të gjerë që ka Rilindja dhe kryeministri Edi Rama.

A do ia tregojnë Blinkenit inceneratorin e Tiranës dhe investimin 130

SPAK shihet si shpresa edhe për shkak të korrupsionit të madh të zyrtarëve nga nivelet më të larta deri më të ulëta, për shkak të shumë çështjeve që po hetohen, për shkak të disa arrestimeve apo dhjetëra të pandehurve ministra, ish-ministra, kryetarë bashkish, etj.

Antony Blinken vjen në Tiranë në momentin kur Shqipëria vazhdon të flasë fort për aferën e shekullit, atë të inceneratorëve, ku disa persona mbëhstetës të PS-së dhe zyrtarë të saj, Klodian Zoto dhe Mirel Mërtiti, si dhe bashkëjetuesja e tij Stela Gugallja, nëpërmjet skemave të ndryshme mundën të siguronin nga qeveria shqiptare 178 milionë euro, nga të cilat 130 milionë vetëm për landifillin dhe inceneratorin e Tiranës.

A do ia tregojnë Blinkenit inceneratorin e Tiranës dhe investimin 130

Kontrata koncesionare e Tiranës është shkruar 7 vite më parë, në Tiranë incenerator nuk ka, nuk ekziston. Flitet përr një investim rreth 70 milionë euro të kryer atje, por në fakt në dokumenta nuk del më shumë se 30 milionë euro.

Nga ana tjetër, nuk dihen se ku kanë shkuar, jo 60, por rreth 110 milionë euro. Investimi duhet të ishte rreth 128 milionë euro dhe ndërkohë që SPAK po heton, dhe ka arrestuar disa drejtorucë dhe bashkëpunëtorë të Erion Veliajt, çështja e inceneratorëve vazhdon të jetë e ndezur. Është çështja më e rëndësishme të post 30 viteve të diktaturës në Shqipëri, afera më e madhe korruptive.

Dhe lind një pyetje: A do tja tregojnë inceneratorin e Tiranës dhe investimin e suksesshëm prej 130 milionë eurosh Sekretarit Amerikan të Shtetit, apo thjesht dhe vetëm, do ta shohë nga ajri kur të zbresë me avion?

Jo vetëm këtë si çështje, por ndoshta i tregojnë edhe PPP-të dhe koncesionet e tjera, se përtej sukseseve dhe flamurit që do të ngrihet lart pas firmosjes së dy marrëveshjeve, për disa ditë do të dëgjojmë se Antony Blinken fshiu gjithçka dhe qeveria shqiptare tashmë ecën përpara dhe është amnistuar nga gjithçka ka ndodhur.

Në fakt, duhet të presim dhe të shikojmë të vërtetat që ndoshta Blinken nuk i di, por shpresojmë se do t'i mësojë kur të vijë në Tiranë./ CNA





17:09 Editorial

ËSHTË KOHA E SPAK

Tani nga SPAK-u pritet vërtet më shumë. Ndërkombëtarët...

Lajmet e fundit nga