web counter
LEXO PA REKLAMA!

SHKARKO APP

App Store
Google Play

Ekspertët e Nivelit të Lartë, të gjithë në sistem, asnjëri i vetuar

31 Janar 2024, 10:01, Editorial Elvi FUNDO
Ekspertët e Nivelit të Lartë, të gjithë në sistem,
Sokol Sadushi, Gent Ibrahimi, Artan Hoxha, Ilir Panda, Alfred Balla e Arben Rakipi

Mbledhjet e Ekspertëve të Nivelit të Lartë, gjatë muajve të diskutimit të Reformës në Drejtësi, zhvilloheshin në ambientet e Kuvendit të Shqipërisë.

Kryetar i Kuvendit ishte Ilir Meta, por ekipi i ekspertëve ishte zgjedhur personalisht nga Fatmir Xhafaj, në atë kohë kryetar i Komisionit të Ligjeve.

Edhe stafi i Kuvendit i angazhuar me asistim filtrohej nga Fatmir Xhafaj. Nga ai staf u promovua për shembull Etilda Gjonaj, dikur një këshilltare më se e zakonshme, pa asnjë të dhënë të veçantë përveç faktit që ishte staf besnik i Fatmir Xhafajt.

Ekspertët e Nivelit të Lartë, të gjithë në sistem,
Fatmir Xhafaj dhe Etilda Gjonaj

Nga Sokol Sadushi, te Gent Ibrahimi, Alfred Balla, Artan Hoxha, Ilir Panda, Alfred Balla e Arben Rakipi

Të gjithë i përkasin jo vetëm së njëjtës shkollë juridike të Fatmir Xhafajt, të njëjtit mentalitet juridik të vjetruar, por i bashkon të gjithë besnikëria ndaj shallit të kuq që së fundmi u shfaq rrëzë qafës së Sokol Sadushit.

Me propozim të opozitës së kohës u kërkua që ligjet e reformës të parashikonin ndalimin e përfshirjes së ekspertëve në postet e organeve të drejtësisë së re. Dispozita është ende aty, megjithëse nuk dallohet mirë, pasi i kanë përmjerrë sipër të paktën këta të pestë që listuam më lart.

Sokol Sadushi, Artan Hoxha, Ilir Panda, Arben Rakipi, përpara se të përzgjidheshin nga Fatmir Xhafaj si ekspertë të Nivelit të Lartë, kishin qenë pjesë e sistemit të drejtësisë. Të gjithë ata që reforma i gjeti në sistem, iu nënshtruan dhe i nënshtrohen vetting-ut të pasurisë, profesionalizmit dhe pastërtisë së figurës.

Ekspertët e Nivelit të Lartë, të gjithë në sistem,
Sokol Sadushi, Ilir Panda, Arben Rakipi dhe Alfred Balla

Dispozitat e vetting-ut synonin gjithë magjistratët përveç këtyre. Sepse këta kur u shkruan dispozitat nuk ishin magjistratë. Dhe këta shkruan që vetting-u do të bëhej veç për ata që dispozitat i gjenin magjistrat. Jo edhe ata që kishin shirë më parë në sistem.

Kush kishte vjedhur më parë, qoftë edhe deri 3 muaj më parë se të hynin ne fuqi ligjet e reformës nuk quhej hajdut. Me këtë formulim katër ekspertët, Sadushi, Panda, Rakipi, Hoxha dhe Balla u kanë përmjerrë sipër edhe dispozitave të vetting-ut.

Për ata që hynin në sistem nga jashtë nuk do bëhej vetting. Kështu e shkruan ekspertët e nivelit të Lartë.

Sokol Sadushi, kreu i Gjykatës së Lartë, doli nga sistemi kur duhej dhe rihyri kur i duhej, PA VETTING. Do të rrijë në sistem derisa të mbushë moshën e pensionit.

Ilir Panda, zëvendëskryetar i Gjykatës së Lartë, doli nga sistemi kur duhej dhe rihyri në sistem kur i duhej, PA VETTING. Do rrijë në sistem derisa të mbushë moshën e pensionit.

Arben Rakipi, gjeti shtegun e vet dhe qëndron në një post ku gëzon statusin e magjistratit, por "meqë shoqnia e ndante këtë punë", e ka marrë postin dhe qëndron në detyrë PA VETTING. Edhe ai do durojë derisa të mbushë moshën e pensionit.

Gent Ibrahimi, drejtues në Prokurorinë pranë Gjykatës së Apelit Durrës, hyri në sistem si kryetar i KLP-së, PA VETTING. Do qëndrojë në karrigen e gjyqtarit të Gjykatës Kushtetuese PA VETTING derisa të mbushë moshën e pensionit.

Alfred Balla, kreu i Këshillit të Lartë të Prokurorisë, është pjesë e sistemit të drejtësisë dhe me manovrat e tij arriti të mos i nënshtrohej procesit të vetting-ut. Balla mundi të sfidonte ONM-në dhe Komisionerin Publik për vetting-un, dhe kjo falë mbështetjes së KPK-së. 

Në vitin 2016, slogani i grupit të ekspertëve të Fatmir Xhafajt ishte: "Në mos sot, kur/në mos ne, kush". Dhe mos kujtoni se do dalin në pension e do shpëtoni prej tyre!

Ekspertët e Nivelit të Lartë, të gjithë në sistem,
Slogani

Jo më kot janë po këta që kanë kapur edhe Shkollën e Magjistraturës edhe fakultetin juridik. Edhe "brezi i ri" i magjistratëve po përzgjidhet nga këta mes femijëve të baballarëve me shallin e kuq rreth qafës./CNA 





17:09 Editorial

ËSHTË KOHA E SPAK

Tani nga SPAK-u pritet vërtet më shumë. Ndërkombëtarët...

Lajmet e fundit nga