Alfred Balla, “misionari” i radhës i pushtetit kundër SPAK-ut

28 Janar 2024, 13:10, Editorial CNA

Alfred Balla, “misionari” i radhës i pushtetit kundër

Ndoshta pak e njohin personin që prej disa kohësh qëndron në krye të KLP-së, si një individ, i cili tashmë ka dalë zbuluar që është një instrument politik në krye të këtij institucioni i dalë nga një reformë drejtësie qindra miliona euro paguar nga qytetarët amerikanë dhe ata evropianë.

Ndoshta dikush ka menduar se reforma ka dhënë produktet e saj dhe një drejtësi të pavarur të pakontrolluar pas një reforme të shumëpritur nga shqiptarët dhe të propaganduar nga pushteti.

ËSHTË KOHA E SPAK
25 Janar, 17:16

Një reformë që nisi për të ndryshuar kastin e drejtësisë, por që përfundoi thjesht me rritje pazari dhe kapje të saj në segmente të caktuara nga mazhoranca. Kuptohet, udhëheqësi i asaj reforme ka qenë "enveristi" i parafundit, Fatmir Xhafaj.

Ai i shtroi rrugët me veprimet e tij ndaj njerëzve të pushtetit ndaj 99-çave të Rilindjes dhe atyre që i duheshin mazhorancës për të kapur drejtësinë.

Emrat e komisionit/ 99-çat dhe vullnetarët e Enverit, kundër SPAK-ut
19 Janar, 12:48

Fillimisht u tha se ishte një reformë e suksesshme dhe drejtësia nuk ishte kapur, por ditë pas dite, orë pas ore, shqiptarët po mësojnë si është kapur drejtësia dhe ndërkombëtarët tashmë se mohojnë më. Kanë ikur prokurorë dhe gjyqtarë dinjitozë dhe qëndrojnë në detyrë njerëz problematikë të sistemit të drejtësisë apo ushtarë politikë.

Kur do të flasë kreu i KLP-së, Alfred Balla, për prokurorin Edvin Kondili
25 Nëntor, 12:30

Një nga rastet e ushtarëve politikë është dhe Alfred Balla, i cili tashmë është propozuar tek Edi Rama për postin e ministrit të Drejtësisë, nga grupi i 99-çave dhe vullentarët e Enverit në PS.

Alfred Balla

Alfred Balla vjen si emër në momentin ku mazhoranca me 99-çat dhe “vullnetarët” e Enverit po bën gati goditjet ndaj SPAK-ut gjoja në emër të kontrollit të performancës të institucioneve të pavarura.

Irfan Hysenbelliu, Veliaj dhe Balla/ Skema tjetër kundër SPAK
27 Janar, 17:04

Alfred Balla është propozuar si një zgjidhje pas lobimit të biznesmenit Irfan Hysenbelliu me kryebashkiakun Erion Veliaj. Nga pas qëndron dhe hija e ministrit të Brendshëm, Taulant Balla. Një dyshe politike që kërkon të zgjidhë hallet e shumicës së socialistëve, ministrave apo kryetarë bashkish, të cilët janë një listë e madhe zyrtarësh në hetim nga SPAK-u.

SI BIE SKEMA E QEVERISË PËR TË KONTROLLUAR SPAK-un
25 Janar, 17:26

Një institucion që nuk mund të quhet i kapur plotësisht nga mazhoranca, por ku ka ende njerëz me integritet, të cilët nuk u hapin telefonin Veliajt apo Ramës për tekat dhe dëshirat e tyre për mbyllje dosjesh. Ashtu siç ka dhe zullumqarë që flirtojnë apo shtrihen ngrohtë në “krevatin” e Rilindjes ku sigurojnë të ardhmen e tyre financiare me lekët e korrupsionit të mazhorancës.

E për të mbyllur këto dosje duhen instrumente.

Instrumenti i parë, tentativa e parë, është ngritja e një komisioni “Ad Hoc”, i cili herë pranohet herë mohohet.

Zbulohet emri/ Ja kush do ta udhëheqë luftën e mazhorancës kundër SPAK-ut
18 Janar, 14:57

Pas fjalëve deklarohet se do të bëhet gjoja kontroll dhe paralel me të kërkohet që kreu i KLP-së, një nga njerëzit e mazhorancës, i provuar dhe me votimet e bëra në KLP, me votimet e tij me komandë politike, tashmë është emri i ri për ministër Drejtësie i propozuar tek Edi Rama si zgjidhje për të pasur një institucion më "të fortë", një Ministri Drejtësie edhe më të fortë, për të bërë një betejë edhe më të ashpër dhe kontroll më të fortë ndaj organeve të drejtësisë së re.

Ekskluzive/ Grupi anti-SPAK në mbledhje me Ramën
27 Janar, 15:21

Ndaj atyre segmenteve që kanë shpëtuar sepse tashmë është e provuar që Gjykata e Lartë është e kapur nga shalli i kuq i pionierit të Sokol Sadushit, KLP është e kapur me Alfred Ballën, Gjykata Kushtetuese është një amalgamë individësh të Lulzim Bashës dhe kryeministrit apo të preferuarit e Fatmir Xhafajt që udhëhoqën Reformën në Drejtësi e kështu me radhë dhe institucionet e tjera duke shkuar deri te gjyqtarët dhe prokurorët e thjeshtë.

"Sokol Sadushi" duhet shpallur i jashtëligjshëm
22 Janar, 16:09

Investimi për një Reformë në Drejtësi i ndërkombëtarëve do të kishte dhe mangësi dhe problematika, por nuk mund të shkonte që qindra miliona euro të paguara nga qytetarë evropianë dhe amerikanë të shkonin për Alfred Ballën në krye të KLP-së për Sokol Sadushin në krye të Gjykatës së Lartë apo për të tjerë individë që shfaqen si njerëz të drejtësisë, por në fakt janë segmente të mazhorancës së 99-çave dhe vullnetarëve të Enverit për të kontrolluar drejtësinë në Shqipëri.