web counter
LEXO PA REKLAMA!

SHKARKO APP

App Store
Google Play

E fundit!

x

Irfan Hysenbelliu, Veliaj dhe Balla/ Skema tjetër kundër SPAK

27 Janar 2024, 16:47, Politikë CNA

Irfan Hysenbelliu, Veliaj dhe Balla/ Skema tjetër kundër SPAK

Tentativat e 99-çave të Rilindjes dhe “vullnetarëve” të Enverit për të goditur SPAK-un nuk janë thjesht dhe vetëm skema të ashtuquajtura politike dhe të pavërteta ashtu siç pretendon “idioti i dobishëm” i Rilindjes, Eduart Shalsi apo përgenjshtrime të njëpasnjëshme që na vijnë nga Elisa Spiropali. (Lexo ketu)

Ajo që është e vërtetë është një fakt.

Po tentohet me çdo kusht që SPAK të goditet nga një grup individësh që kanë probleme me këtë institucion dhe problemet kanë ardhur me ardhjen e Altin Dumanit në krye të tij.

CNA ka raportuar në lidhje me një grup pune nga mazhoranca, i cili do të hapte rrugën për krijimin e një komisioni “Ad Hoc” të drejtuar nga Fatmir Xhafaj, ku qartazi grupimi i 99-çave brenda mazhorancës dhe “vullnetarët” e Enverit kanë përgatitur të gjithë skenarët.

Kryebashkiaku i Tiranës, Erion Veliaj, gjithashtu po lobon në një formë tjetër me çdo kusht. Pas ngritjes të komisionit kërkon një ministër tjetër drejtësie për ta përballur me Dumanin.

Sipas Veliajt, 99-çave dhe “vullnetarëve” të Enverit dhe Rilindjes , ministri i Drejtësisë duhet të jetë më i ashpër ndaj SPAK dhe duhet të ketë komunikim me ta. Duhet të ketë marrëveshje, të bëjë pazare, të negociojë e të tjera si këto.

Ndoshta ministri aktual nuk i bën, prandaj dhe është zgjedhur Fatmir Xhafaj për drejtuar një komision “Ad Hoc” por ka dhe nje skemë tjetër paralele. 

SKEMA NGA 99-çat DHE VULLENTARËT E ENVERIT, NJË MINISTËR I RI DREJTËSIE

Duke përdorur biznesmenin Irfan Hysenbelliu si propozues, Erion Veliaj mendohet se ka zhvilluar disa takime dhe rreth tij ka afruar dhe ministrin e Brendshëm, Taulant Balla. Qëllimi është një.Të heqin ministrin e Drejtësisë dhe lëvizja tashmë ka një emër konkret si zëvendësues, ai është kreu i KLP Alfred Balla.

Irfan Hysenbelliu, Veliaj dhe Balla/ Skema tjetër kundër SPAK

Alfred Balla është emri që ka bërë bashkë Taulant Ballën, Erion Veliajn me Irfan Hysenbelliun si bekues, për t’i propozuar emrin Edi Ramës.

Një emër për ministër të ri Drejtësie, i cili paralel me komisionin “Ad Hoc”, të drejtuar nga Fatmir Xhafaj, do të ishte një çekan i fortë mbi SPAK.

CNA gjithashtu ka mësuar se skenarët po vazhdojnë me përgatitje draftesh por dhe me lobim të fortë të 99-çave dhe “vullnetarëve” të Enverit tek kryeministri Rama, për të kapur drejtësinë për hallet e tyre.

Hallet e mëdha të ish-ministrit të Brendshëm Fatmir Xhafaj që shkojnë te kryebashkiaku Veliaj por edhe vullnetarizmin e pandalshëm të Taulant Ballës, të cilit i vjen pas isos së tij Afred Balla kreu i KLP-së.

Ky emër,  i cili kërkon të marrë postin e ministrit të drejtësië, gjatë kohës që kryen garën në KLP midis Edvin Kondilit të mbështetur nga Rilindja dhe Altin Dumanit mbështetur nga SHBA dhe ndërkombëtarët, votoi për Kondilin. Ka nje karton te verdhë nga ndërkombëtarët për lojën me Rilindjen.

Irfan Hysenbelliu, Veliaj dhe Balla/ Skema tjetër kundër SPAK

LIDHJA E ALFRED BALLËS ME 99-çat

Pra, lidhja e Alfred Ballës me Rilindjen, 99-çat e saj është e qartë.

Emri i Alfred Ballës është një propozim i ardhur nga aleanca e krijuar nga Hysenbelliu, ky i fundit me Erion Veliajn që lobon pranë  Rames në bashkëpunim me ministrin e Brendshëm Taulant Balla, kërkon të rehabilitohet për skandalet e tij të shumta për mospagimin e taksave.

Nga ana tjetër lëvizja vjen për të vendosur Alfred Ballën në krye të Ministrisë së Drejtësisë paralel me një komision “Ad Hoc” të drejtuar nga ish-ministri i Brendshëm Fatmir Xhafaj, i njohur si “vullnetari” i Enverit i parafundit, i cili së bashku me një grup 99-çash do të tentojnë të godasin SPAK dhe goditja ndaj këtij institucioni do të vijë nga dy drejtime.

Nga Alfred Balla i Rilindjes që nga kreu i KLP kërkon dhe po lobon me Irfan Hysenbelliun dhe Erion Veliaj të shkojë ministër Drejtësie dhe nga ana tjetër me Fatmir Xhafajn që ta godasin nga parlamenti.

Skemat sa vazhdojnë dhe thellohen. Beteja e 99-çave dhe “vullnetarëve” të Enverit kundër SPAK-ut nuk po ndalet.

Në fakt këto lëvizje dhe të fundit kanë alarmuar jo pak ndërkombëtarët të cilët kanë përcjellë mesazhe të qarta kundër mazhorancës, kundër kryeministrit dhe lojës tashmë të qartë dhe të zbuluar të 99-çave dhe vullnetarëve të Enverit të cilët kanë marrë kazmën dhe sëpatën kundër SPAK-ut./ CNA

 





Lajmet e fundit nga