web counter
LEXO PA REKLAMA!

SHKARKO APP

App Store
Google Play

Skema kundër SPAK-ut/ Ja të gjitha lëvizjet e pushtetit

30 Janar 2024, 11:07, Editorial CNA
Skema kundër SPAK-ut/ Ja të gjitha lëvizjet e pushtetit
Foto ilustruese

CNA publikoi një material të plotë sipas një informacioni të marrë nga takimet e ngushta të kryeministrit Edi Rama për lëvizjet e tij dhe grupit të 99-çave dhe vullnetarëve të Enverit për të goditur SPAK-un.

Në lëvizjet dhe në diskutimet “sekrete” që zbuloi CNA, strategjia kishte disa pika.

Gjithçka fillon më artikulimin e Lindita Nikollës në takimin e Shëngjinit datat 9 dhe 10 janar, e cila kërkon kontrollin e SPAK-ut. Mesazhi i kryeministrit Edi Rama nga goja e zonjës Nikolla.

Bledi Çuçi avancon në një status të tij me mekanizma kontrolli ndaj SPAK-ut.

Skema kundër SPAK-ut/ Ja të gjitha lëvizjet e pushtetit

E para, CNA zbuloi disa qëndrime të kryeministrit në mbledhjen me drejtorët e agjencive dhe sekretarët e përgjithshëm të ministrive.

E dyta, institucionet të bllokonin SPAK-un kur hynte për kontrolle dhe për këtë do të përgatiste një draft rekomandues Engjëll Agaçi, Sekretari i Përgjithshëm i Kryeministrisë.

Agaçi mblodhi dhe Sekretarët e Përgjithshëm në Dibër javën e shkuar për t’i orientuar se si të veprojnë kur paraqitet SPAK në institucion.

E treta, një mbledhje e tensionuar ku kryeministri Rama qëndron disa minuta dhe u thotë ministrave atë që u tha drejtorëve për SPAK-un, sërish Ëngjëll Agaçi do jepte orientimet. Që nga kjo mbledhje i çon mesazh direkt Altin Dumanit duke autorizuar ministrin e Drejtësisë.

E katërta, një takim konfidencial të mbajtur me grupin e juristëve të PS-së në një nga rezidencat qeveritare.

Strategji që bëhet totalisht e qartë dhe e besueshme kur Eduart Shalsi del, pranon, pastaj mohon dhe vulën ia vendos Elisa Spiropali.

E pesta, raportojmë komisionin "Ad Hoc" që do të drejtohej nga Fatmir Xhafaj kundër SPAK-ut dhe institucioneve të pavarura.

E gjashta, zbuluam se në strategjinë e mazhorancës të propozuar nga 99-çat e Veliajt në bashkëpunim me vullnetarët e Enverit ishte dhe vendosja e një ministri të ri Drejtësie.

Qëllimi është që SPAK-ut t’i vendoset "kufiri te thana" institucionalisht, krijohet një komision parlamentar "Ad Hoc", që e kontrollonte dhe e thërriste në apel SPAK-un, më pas një ministër Drejtësie, i cili të ushtronte kompetenca të forta ndaj SPAK-ut dhe të përballej me kreun e tij Altin Dumani.

Nga ana tjetër ILD dhe KLP të fillonte të qëndronte fort përballë prokurorëve të SPAK-ut. Presion politik dhe institucional nga Kuvendi, qeveria dhe institucionet “e pavarura”.

Qëllimi i qartë, mesa duket ka shqetësuar shumë kryeministrin, Lali Erin dhe të tijtë, sepse nuk u hap telefonin dhe nuk sillet siç i sillen Alfred Ballërat apo kryetari i gjykatës me shall pionieri dhe kushtetuesit e tredhur.

S’ka askush më dyshime, edhe pse përpëliten ta mohojnë.

Mërzitet Shalsi, qan Elisa, shfryn Xhafaj, kërkon tradhtarët Rama, e vërteta do shkojë deri në fund pa ndalim. Siç ka qenë për inceneratorët, siç ka qenë për rastin e ndërhyrjeve në SPAK, siç ka qenë për 750 dosje prokurorësh dhe gjyqtarësh të publikuar në CNA, korrupsioni i blerjes së medias, siç ka qenë për ligjin e Arsimit të Lartë, apo sikundër po publikojmë takimet e qeverisë, ashtu siç kur ka qenë për pasuritë e Lulzim Bashës, për dosjen "McGonigal", për dosjen e financimeve ruse të Bashës e kështu me radhë./ CNA

 

 
 
 
 
 




17:09 Editorial

ËSHTË KOHA E SPAK

Tani nga SPAK-u pritet vërtet më shumë. Ndërkombëtarët...

Lajmet e fundit nga