web counter
LEXO PA REKLAMA!

SHKARKO APP

App Store
Google Play

E fundit!

x

Alfred Balla, si telefon i prishur

29 Janar 2024, 20:05, Aktualitet CNA
Alfred Balla, si telefon i prishur
Alfred Balla

Kreu i KLP-së, përfaqësuesi apo ministri hije i Rilindjes në krye të instituicionit që duhet të kontrollojë prokuroritë, ka qenë një person i lënë disi në harresë. Po rrugës na doli kandidat për ministër dhe jo me pak problem.

CNA ka sjellë dy ditët e fundit disa materiale dhe lajme të vërteta, këto të faktuara në më shumë se dy apo tre burime edhe me dokumente por, që zoti Balla ka filluar t’i bjerë ziles cërr.

Nuk ndalet Alfred Balla në rolin e zileve.

Zilja cërr pas shkrimeve për Alfred Ballën megjithëse lajmi ishte i vërtetë dhe i konfirmuar.

Sot CNA ka publikuar dhe se si Alfred Balla shkoi në krye të KLP-së, si u propozua nga shoqëria civile, si do të kalonte vetting-un, në çfarë formash e ka kaluar, pse ndaj tij nuk janë kryer hetimet e plota e kështu me radhë.

Sërish zilja gjatë gjithë ditës cërr.

Megjithëse është publikuar dokumenti, një material i tij dhe do të vazhdojë dhe pjesa tjetër e plotë sipas raportit të ONM-së dhe një raport që ishte rekomanduar nga ndërkombëtarët të cilët kishin nxjerrë një karton të verdhë për zotin Balla.

Tashmë është mësuar se ai është me karton të kuq. Kjo për arsyen se në krye të KLP-së jo vetëm votoi kundër të preferuarit të ambasadës së SHBA dhe zyrtarëve të BE-së siç ishte rasti i zotit Dumani por loboi kundër në KLP në prokurorë të caktuar duke përçuar dhe mesazhe dhe sinjale të forta politike që vinin nga Rilindja.

Ndaj zoti Alfred Balla e mira është të mbajë një qëndrim publik. Do ketë të njëjtën hapësirë që kanë materialet tona dhe e ftojmë dhe e sfidojmë të provojë të kundërtën . Kështu do të kursente dhe zilen e telefonit dhe paratë e taksapaguesve shqiptarë që i paguajnë këtij të fundit./ CNA





Lajmet e fundit nga