web counter
LEXO PA REKLAMA!

SHKARKO APP

App Store
Google Play

E fundit!

x

Paralajmërimi: SPAK, 3 goditje të mëdha në shkurt

29 Janar 2024, 12:16, Aktualitet CNA
Paralajmërimi: SPAK, 3 goditje të mëdha në shkurt
Altin Dumani

Juristi Kreshnik Spahiu, në një intervistë për gazetën “SOT”, është shprehur se SPAK-u dhe kreu i këtij institucioni, Altin Dumani, nuk mbështeten nga kryeministri Edi Rama, por mbështeten nga Shtetet e Bashkuara të Amerikës. 

Gjatë intervistës, Spahiu theksoi se Dumani nuk ka qenë i preferuari i Ramës dhe shtoi se dalja e tij për mediat kishte si qëllim të bindte publikun se është i pavarur në raport me politikën. 

Spahiu ka deklaruar se shkurti do të jetë një muaj "i zjarrtë", ku do të ketë 3 goditje të mëdha nga ana e SPAK-ut. 

Pjesë nga intervista: 

-Zoti Spahiu, kreu i SPAK-ut nga Shkodra dha sërish sinjale se lufta kundër pandëshkushmërisë do të vijojë, ndërsa ajo është prioritet i tij dhe institucionit që drejton. Pati diçka që të surprizoi në deklaratën e Altin Dumanit?

Ishte e pritshme dhe një deklaratë e kujdesshme. Ajo që bie në sy është objektivi në të cilën Dumani i ka vendosur vetes, duket që ai po synon të krijojë një profil të pavarur në raport të politikës. Identifikon edhe disa problematika që njerëzit nuk i dinë, ka një pritshmëri më të lartë sesa kapacitetet që ka prokuroria.

Nuk është SPAK çelësi magjik që të zgjidhë të gjitha mosmarrëveshjet në Shqipëri, pra duhet të jetë selektiv në ato që trajton, duhet kualitet i procedimeve dhe të përmbushë pritshmëritë për ata që kanë qenë të pandëshkueshëm deri dje. Mendoj se do ketë një goditje treshe, me një gur do vriten 3 zogj. Sot SPAK ka zbarkuar në zyrat e Bashkisë së Tiranës që nënkupton se mund të zgjerohet hetimi dhe mesazhi që u dha për Metën. Muaji shkurt do jetë një muaj zjarr, që me çështjet që do të ndiqen do të eklipsojnë edhe atë të Berishës.

-Çfarë parashikon që do të ndodhë në shkurt?

Parashikoj që do të ketë 3 goditje të mëdha. Mendoj se që vetë SPAK-u e ndien që është një institucion i besueshëm tani dhe mund të jenë ndërkombëtarët që ia kërkojnë që ata të dalin në publik. Mbrojtja më e mirë që mund të marrë SPAK-u janë media dhe publiku. Situata ka ndryshuar, deri dje këta nuk janë më prokurorët që hipnin në autobus, por kanë një infrastrukturë mbrojtëse me makina, me shoqërues.

Janë të njëjtët prokurorë që punojnë në kushte dhe rrethana të tjera dhe është shumë pozitive që edhe ata po shfaqin një tjetër anë të medaljes, që ata nuk mund ta bënin të mundur në kushtet e vështira. Në thelbin e vet në të gjithë daljen që ka bërë Dumani, ka qenë të bindë publikun se ky SPAK nuk kontrollohet nga regjimi i Edi Ramës. Altin Dumani nuk ka qenë i preferuari i Ramës dhe anasjelltas. Janë disa pushtete antagoniste në këtë moment, që i shërbejnë publikut dhe pavarësisë. Pra, unë mendoj se Altin Dumani dhe SPAK-u nuk kontrollohen nga regjimi i Ramës, por nga SHBA-ja./CNA 

 





Lajmet e fundit nga