LEXO PA REKLAMA!

SHKARKO APP

Faktet/ Si mashtroi publikisht Baton Haxhiu?

6 Shkurt 2024, 11:42, Aktualitet CNA

Faktet/ Si mashtroi publikisht Baton Haxhiu?

Njeriu i paguar nga inceneratorët, Baton Haxhiu, nuk njeh limite.

Pasi arrin të kërcënojë “live” Belind Këlliçin, anëtarin e kryesisë së PD-së, se i mbyll gojën me pagesat që ka marrë nga bosët e aferës së shekullit, me një gjuhë banditeske dhe prej sharlatani mediatik, kulmin e tij e arrin kur mashtron hapur në momentin që thotë se kjo ka funksionuar sipas një mënyre biznesi dhe është paguar nga agjencitë dhe jo nga kompania e inceneratorëve.

CNA e vendos Baton Haxhiun përballë fakteve

CNA ka publikuar ekskluzivisht kontratën që ka lidhur me inceneratorin e Tiranës, subjekti në pronësi të shtetasit Baton Haxhiu.

Baton Haxhiu, njeriu i dëbuar nga Kosova, i cili zotëron një portal periferik, “Albanian Post”, ka marrë një kontratë prej 4400 eurosh/muaj, e cila shkon 26.400 euro në 6 muaj.

Sipas kontratës, nga 1 shkurti deri në 1 gusht 2021, që përkon me periudhën para dhe gjatë zgjedhjeve të vitit 2021, Baton Haxhiu do të paguhet për median e tij 442.800 lekë në muaj për një reklamë në web-in e tij thuajse anonim.

Faktet/ Si mashtroi publikisht Baton Haxhiu?

Faktet/ Si mashtroi publikisht Baton Haxhiu?

 

Kontrata është me firmë dhe vulë për 6 muaj, e cila tregon lidhjen e Baton Haxhiut me kompaninë e inceneratorëve, ndërsa ka marrë 8 pagesa.

Faktet/ Si mashtroi publikisht Baton Haxhiu?

Por, njeriu i paguar nga inceneratorët, Baton Haxhiu, nuk ndalet me kaq.

Një tjetër fakt që e nxjerr zbuluar janë deklaratat e tij në emisionin “Opinion” kur thotë se nuk ka kontaktuar dhe as nuk ka nënshkruar me kompaninë e inceneratorëve.

Ndërkohë që është e bardha mbi të zezë, e vërteta është në dritën e diellit. Në kontratën e publikuar nga CNA, thuhet qartazi:

“Kjo kontratë është lidhur në Tiranë, më 01/02/2021 mes palëve kontraktuese që vijojnë: ‘Albanian Post’ Sh.p.k, (në vijim ‘Ofruesi i Shërbimit’), një shoqëri me përgjegjësi të kufizuar e regjistruar sipas legjislacionit shqiptar në Qendrën Kombëtare të Biznesit, me numër unik të identifikimit të subjektit (NUIS) M01315012G, me zyra qendrore ne adresën: sheshi ‘Papa Gjon Pali 2’, stadiumi ‘Air Albanian’, Holli AB, Tiranë, Shqipëri, ligjërisht i përfaqësuar sipas autorizimit bashkëlidhur kësaj kontrate nga Z./Znj.Besa Kopellaj, në cilësinë e Përfaqësueses së Ofruesit të Shërbimit dhe ‘Integrated Energy BV SPV’, (në vijim "Klienti"), një shoqëri me përgjegjësi të kufizuar e regjistruar në Qendrën Kombëtare të Biznesit me numër unik identifikimi (NUIS) L72031013B, me zyra qendrore në adresën Njësia Administrative nr 5, bulevardi ‘Gjergj Fishta’ nr 48 Tiranë, ligjërisht i përfaqësuar nga Z/Znj. Arjola Kodra në cilësinë e Administratorit”.

(LEXO KETU)

Kontrata mban firmat e “Albanian Post” dhe administratores së kompanisë së inceneratorëve, Arjola Kodra.

Fakti tjetër, Baton Haxhiu pranon se është paguar nga kompania e inceneratorëve.

Duke u munduar të dalë nga zullumi dhe bataku ku është mbytur, Baton Haxhiu nxjerr zbuluar dhe veten duke thënë deklarata kontradiktore.

Në emisionin “Opinion” me zë dhe figurë, ai është shprehur: “Kompania e inceneratorëve ‘Albanian Post’-it i ka borxh 4 muaj, i ka paguar 2 muaj dhe më s’ka paguar asnjëherë”.

Pra, publikisht ai pranon se ka marrë pagesa nga kompania e inceneratorëve dhe jo vetëm kaq, por në kontratë me emër dhe mbiemër, me firmë dhe me vulë, Baton Haxhiu autorizon Besa Kapllanajn të nënshkruajë në emër dhe për llogari të “Albanian Post”.

Faktet/ Si mashtroi publikisht Baton Haxhiu?

Me këtë Baton Haxhiu i vë “kapakun” që jo vetëm është paguar nga kompania e inceneratorëve, por kërkon edhe borxhin që i ka kjo kompani, ku kemi një fakt që inceneratori i Tiranës është sekuestruar nga SPAK-u.

Njeriu i paguar nga inceneratorët, njeriu me gjuhën mafioze, banditeske dhe kërcënuese, Baton Haxhiu, tregoi se është i zhytur deri në grykë në zullumin e inceneratorëve, që kanë rrjepur nga shqiptarët qindra miliona euro./ CNA

Lajmet e fundit nga