web counter
LEXO PA REKLAMA!

SHKARKO APP

App Store
Google Play

E fundit!

x

Gazetari: Bollino dhe Baton Haxhiu, “mercenarët” e Rilindjes që morën ‘para me thasë’ nga inceneratorët

7 Shkurt 2024, 08:22, Aktualitet CNA

 

Gazetari: Bollino dhe Baton Haxhiu, “mercenarët” e Rilindjes
Carlo Bollino dhe Baton Haxhiu

 

Gazetari Elvi Fundo ka denoncuar mbrëmjen e djeshme mediat e paguara nga inceneratorët, për të cilat tha se kanë marrë edhe para me thasë.

Ai përmendi në emisionin e Adi Krastës, Baton Haxhiun dhe Carlo Bollino-n, dy nga personat që kanë pasur kontratë me kompaninë e inceneratorëve.

Fundo u ndal te sulmi i tyre ndaj anëtarit të Kryesisë së PD-së, Belind Këlliçi, dhe deklaroi se po kërcënohet një qytetar i lirë vetëm se denoncoi lidhjet e inceneratorëve me mediat.

“‘Mercenari’ i Rilindjes (Baton Haxhiu) në mënyrë kriminale ka kërcënuar një qytetar të lirë, një ish-deputet, një ish-kandidat për kryetar bashkie sepse ai nxori me fakte dhe dokumente atë që unë kam nxjerrë këtu në studion tënde. Afërsisht dy vite më parë, ne kemi nxjerrë dokumentet kush ka marrë para nga inceneratorët dhe pse. Midis tyre ka qenë dhe zotëria në fjalë, i cili e ka mohuar. Ashtu e ka mohuar edhe Carlo Bollino, por na rezulton një fakt. Këta i kanë marrë të gjithë paratë gjatë kohës së zgjedhjeve, gjatë 6-mujorit të parë të 2021.

Këta kanë marrë… nga 4-5 mijë euro ka marrë Baton Haxhiu dhe 10 mijë thotë Carlo-ja, i cili thotë e kemi shtuar faturën se kemi fushatën. Dhe nga ana tjetër, për çfarë duhej një kompani monopoliste, një kazan plehrash, të bënte reklamë në fushatë zgjedhore?

Dhe e fundit, për çfarë duhet t’i merrte Batoni, tha kështu bëhet biznesi, kam marrë nga një kompani reklamash. Nuk është e vërtetë, ajo është me vulën e ‘Albanian Post’-it dhe e vërteta është se këto janë para të shpërndara nga Matilda Terpollari, e cila ka qenë çelësi i shpërndarjes së parave në media. Në dijeninë time, në komunikimet që kanë pasur me media të ndryshme janë shpërndarë para edhe me thasë”, theksoi gazetari./ CNA





Lajmet e fundit nga