LEXO PA REKLAMA!

SHKARKO APP

Kontrata ekskluzive/ Kush është Matilda Cara Terpollari, "truri" mediatik i aferës së inceneratorëve?

1 Tetor 2023, 14:11, Denoncim CNA
Kontrata ekskluzive/ Kush është Matilda Cara Terpollari,
Fotomontazh- Stela Gugallja, Matilda Terpollari, Klodian Zoto dhe Mirel Mërtiri

Dosja voluminoze e aferës së inceneratorëve në investigimin e bërë nga CNA.al zbulon dhe atë që ne e kemi quajtur korruptimi, blerja dhe keqpërdorimi i medias.

Për këtë, kompanisë së inceneratorit të Tiranës i kanë shërbyer persona të caktuar, ashtu siç, ne raportuam dje. (Lexo këtu)

Matilda Terpollari Cara në këtë kontratë si dhe shtetasja Uarda H., kontratën dhe faturat e së cilës do t’i sjellim në vijim.

CNA ka raportuar se mediat u korruptuan nga inceneratorët. Paratë u dhanë kryesisht gjatë fushatës së vitit 2021.

Sipas të dhënave tona bëhet fjalë për gati 1 milion dollarë të paguara në media gjatë  fushatës së zgjedhjeve parlamentare të dy viteve më parë.

Kompania e inceneratorit të Tiranës ka derdhur lekët lumë, ka hapur thesin dhe ka blerë mediat me justifikimin e publikimit të reklamave.

Ende askush nuk ka mundur të sqarojë faktin pse një kompani monopoliste, unike, në shërbimin e saj që ofron në treg të bëjë reklamën.

Çfarë reklamon një kompani inceneratori?

Kompania e inceneratorit të Tiranës nuk kishte çfarë të reklamonte. Kapsulimi kishte ndodhur më përpara. Mund të tregonte 2-3 detaje, por fushata reklamuese ka qenë e fortë, ka qenë e ashpër.

Televizione që paguheshin me dhjetëra mijëra euro në muaj sa “Report TV” e Carlo Bollino-s, Irfan Hysenbelliu, në median e tij dhe të familjarëve të tij, “Top Channel”, portalet, Baton Haxhiu dhe dhjetëra media të tjera ku hidheshin para gjatë fushatës së 2021. (Lexo Këtu)

Kjo fushatë pa asnjë diskutim ka shërbyer si propagandë në shërbim të qeverisë dhe mazhorancës që e kishte firmosur 4 vite më parë koncesionin e inceneratorit të Tiranës dhe patjetër që Klodian Zoto, Mirel Mërtiri dhe Stela Gugallja, pra grupi kriminal i inceneratorëve, do të donte zgjatjen e pushtetit të socialistëve, ministrave të saj për të vazhduar këtë aferë të cilën SPAK-u tashmë e ka zbërthyer dhe po vazhdon ta çmontojë deri te mediat.

Përtej korruptimit të politikanëve, një nga aspektet e korrupsionit shkon te mediat siç e theksuam.

Askush deri më sot nuk thotë pse duheshin milionat e dollarëve, para për mediat kur kompania kishte të siguruar jo pak, por 15 milionë dollarë në vit të ardhura nga qeveria shqiptare, pas firmosjes së kontratës dhe me bashkitë e Qarkut të Durrësit dhe rreth 10-15 miliona euro të tjera të cilat vinin nga të ardhurat e biznesit privat.

Këto janë deklarime të bëra nga kompania “Integrated Energy” në Tatime ku bilanci i viteve të fundit vërtitet rreth 25 milionë euro mesatarisht.

CNA SJELL KONTRATËN E MATILDA CARA TERPOLLARI ME “INTEGRATED ENERGY”

Ashtu siç ne raportuam dje, CNA po sjell sot kontratën dy-vjeçare të Matilda Carës Terpollarit, një personazh jo i panjohur për opinionin publik. Theksojmë se zonjës i kemi çuar pyetjet në lidhje me ketë kontratë dhe shërbimin e saj për Zoton, Mërtirin dhe Gugallen, por deri ne momentin e botimit të këtij shkrimi ajo nuk ështe përgjigjur.  

Kontrata ekskluzive/ Kush është Matilda Cara Terpollari,

Zonja Terpollari është një gazetare, e cila ka luajtur një rol kyç dhe ndoshta SPAK-u ka në këtë rast "çelësin e artë" për të hapur Kutinë e Pandorës, për të hapur kapakun e pusetës së korrupsionit mediatik.

Matilda Cara Terpollari është vajza, e cila ka koordinuar mediat. Ajo ka pasur një kontratë dy-vjeçare me kompaninë “Integrated Energy” dhe një pagesë prej 10 mijë eurosh në muaj.

Pra, një gazetare sociale reportazhesh, dokumentarësh, kalon në një koordinatore mediatike te kompania “Integrated Energy” me 10 mijë euro rrogë në muaj siç thotë dhe kontrata që ne po e publikojmë për herë të parë.

Kontrata ekskluzive/ Kush është Matilda Cara Terpollari,

Kontrata ekskluzive/ Kush është Matilda Cara Terpollari,

Kjo është pjesë e kontratave që CNA ka publikuar për mediat dhe do të vazhdojë të publikojë në vijim për personat që kanë qenë të lidhur me aferën e inceneratorëve dhe paguheshin prej tyre si pjesë e propagandës, përfshi dhe personat që paguhen sot me fakte me dokumente me pagesa dhe me materiale ekskluzive edhe për persona dhe personazhe që paguhen ende në të zezë apo qëndrojnë në hijet e mediave kryesore të vendit.

PAGESAT PËR MATILDA TERPOLLARIN NGA INCENERATORËT

Matilda Cara Terpollari ishte Eksperte e Marrëdhënies me Median dhe do të paguhej për dy vjet rreth 240 mijë euro para taksave, me një pagesë rreth 8500 euro në muaj pas taksave.

Gjithashtu CNA ka zbuluar se nga kompania e inceneratorit të Tiranës nuk është paguar vetëm Matilda Cara Terpollari, por edhe familjarë të saj me vlera që shkojnë rreth 25 mijë euro.

Këto janë pagesa të verifikuara sipas transfertave dhe deklarimeve të bëra nga Tatimet.

E-MAIL-et TREGOJNË ROLIN E MATILDA TERPOLLARIT ME MEDIAT DHE PAGESAT

CNA gjithashtu ka siguruar dhe “e-mail”-et që tregojnë rolin e Matilda Cara Terpollarit me mediat.

Mjafton të shikoni në “e-mail”-et që ne kemi publikuar dhe në kontratat e para. Te kontrata e Carlo Bollino-s ka shtesë fature për fushatë theksohet, është e vetmja ekskluzive që thotë për fushatë siç është folur me Matildën.

Kontrata ekskluzive/ Kush është Matilda Cara Terpollari,
Email-i për pagesën e "Report Tv" të Carlo Bollinos

Te kontrata e Batonit, gjithashtu tek “e-mail”-i përkatës thuhet që është komunikuar me Matildën dhe shtohet vlera e TVSH me 20% apo te kontrata tjetër e “Mapo”-s, apo te kontrata e tjera të Hysenbelliut dhe “Fax News” apo mediat e tjera që i kanë shërbyer propagandës së inceneratorëve gjatë zgjedhjeve parlamentare të vitit 2021.(Lexo këtu)

Kontrata ekskluzive/ Kush është Matilda Cara Terpollari,
Email-i për kontratën e reklamimit me "Albanian Post" të Baton Haxhiut
Kontrata ekskluzive/ Kush është Matilda Cara Terpollari,
Email-i për kontratën e reklamimit me "Mapo"-n

CNA gjithashtu ka mundur të sigurojë nga burimet e saj ekskluzive dhe zyrtare fakte dhe dokumente të cilat e detyrojnë SPAK-un t’i shkojnë në fund investigimit të inceneratorit të Tiranës.

Jo thjesht dhe vetëm kur edhe njëherë nëpërmjet këtyre “e-mail”-eve zbulohet se është Stela Gugallja, Klodian Zoto, Denisa Tollkuçi, Mirel Mërtiri dhe personat e lidhur me ta të cilët kontrollojnë shpërndarjet e pagesave, shpërndarjen e parave që jepen për propagandën në media, por janë këta njerëzit, të cilët kanë ndërtuar një skenar, duke përfshirë këtu edhe gazetarët si Matilda Terpollari që paguhet me një vlerë të çmendur afërsisht sa shuma që i jepet për reklamë një mediaje siç është “Report TV”.

Pra Mirel Mërtiri, Klodian Zoto dhe Stela Gugallja kanë zgjedhur të paguajnë Matildën, njeriun që do të merret me median aq sa paguajnë “News 24” e Irfan Hysenbelliut apo “Fax News”.

Kontrata ekskluzive/ Kush është Matilda Cara Terpollari,

Kanë zgjedhur t’i japin dyfishin e parave që i japin Baton Haxhiut megjithëse në atë kohë Batoni kishte një portal anonim që ende askush nuk e njihte.

Kontrata ekskluzive/ Kush është Matilda Cara Terpollari,
Pagesa e inceneratorëve për Baton Haxhiun

Sot jemi përballë faktit që “e-mail”-et dhe kontratat na tregojnë se Matilda Terpollari ka qenë një nga “çelësat” e Mirel Mërtirit në lidhje me mediat.

KUSH ËSHTË MATILDA TERPOLLARI, “TRURI” MEDIATIK I INCENERATORËVE

Kontrata ekskluzive/ Kush është Matilda Cara Terpollari,
Matilda Cara Terpollari

Gjithashtu për të njohur Matilda Terpollari po sjellim më poshtë një përshkrim të shkurtër të saj.

Ajo është një gazetare me eksperiencë më shumë se 25-vjeçare në media.

Ka punuar në disa nga mediat shqiptare si në “Vizion Plus”, “Living” e të tjerë.

Matilda Terpollarin gjithashtu ne e shohim si kandidate për deputete në zgjedhjet e vitit 2017 nga Partia Libra. (Lexo këtu)

Në zgjedhjet e dy sesioneve më parë Matilda Terpollari është një nga njerëzit kryesorë të Ben Blushit dhe Partisë Libra.

Ajo është e përfshirë në shumë debate dhe përplasje publike me reagime dhe statuse të saj në rrjetet sociale. Kujtojmë debatin e fortë me ironi dhe cinizëm me ministren aktuale, deputeten e atëhershme, Elisa Spiropalin.

Në Mars të vitit 2017, në një postim të Ben Blushit, ku shfaqet dhe Matilda Cara Terpollari, shumë nga komentuesit e zgjedhin atë si kandidate për Presidente.  

Kontrata ekskluzive/ Kush është Matilda Cara Terpollari,

Kontrata ekskluzive/ Kush është Matilda Cara Terpollari,

Kontrata ekskluzive/ Kush është Matilda Cara Terpollari,

Më pas Matilda Terpollarin e shikojmë si zëdhënëse të Arta Markut, ish-Prokurore e Përgjithshme nga 18 dhjetori i vitit 2017-2019 me detyrën e këshilltares së Prokurores së Përgjithshme.

Kontrata ekskluzive/ Kush është Matilda Cara Terpollari,
Arta Marku

Matilda Terpollari nga njeri i Libras kalon në këshilltare për Prokuroren e Përgjithshme Arta Markun dhe më pas e shohim si “trurin” mediatik të inceneratorëve.

Njeriut që konfirmon çdo pagesë për stafin e Zotos, Mirel Mërtirit dhe Stela Gugalljës në inceneratorin e Tiranës.

CNA NUK DO TË NDALET NË BETEJËN PËR INCENERATORËT

CNA do të vazhdojë në publikimin e të tjera “e-mail”-eve dhe fakteve, dokumenteve dhe kontratave, të cilat tregojnë dhe njëherë se truri i inceneratorëve, Mirel Mërtiri, Klodian Zoto dhe Stela Gugallja kishin ngritur një skemë mashtrimi në Tiranë, duke gënjyer qeverinë shqiptare se kishin në gjendje 128 milionë euro dhe tentuan të fshiheshin pas një kompanie në Holandë dhe emrave të tjerë siç janë aksionerët e fjetur të cilët pretendojnë se nuk kanë qenë ata njerëzit kryesorë të inceneratorit të Tiranës, por Mirel Mërtiri, Klodian Zoto dhe bashkëjetuesja e tij Stela Gugallja. Ngritja e një skeme mashtrimi korruptive e cila ka shkuar deri te mediat.

CNA ka publikuar me dhjetëra fakte dhe dokumente ekskluzive dhe gjithashtu tashmë po zbërthejmë komplet skemën si funksiononte blerja e medias, mashtrimi i publikut, gënjeshtrat publike në lidhje me suksesin e madh të inceneratorit të Tiranës ku janë paguar nga qeveria shqiptare dhe biznesi privat rreth 110 milionë euro, por inceneratori në Tiranë nuk ekziston dhe kompania ka pretenduar se ka investuar rreth 30 milionë euro.

Në fakt vlera është edhe më e ulët , pjesa tjetër e parave ende nuk është qartësuar se ku ka shkuar, por dyshohet se janë dhjetëra miliona euro evazion fiskal, fshehje, abuzime, përfshi këtu dhe para korrupsioni për mediat./ CNA

 

Lajmet e fundit nga