web counter
LEXO PA REKLAMA!

SHKARKO APP

App Store
Google Play

Ku shkuan 110 milionë euro të inceneratorit të Tiranës?

14 Shtator 2023, 10:18, Aktualitet CNA
Ku shkuan 110 milionë euro të inceneratorit të Tiranës?
Inceneratori i Tiranës

Janë jo pak, por 110 milionë euro të marra nga qeveria shqiptare nëpërmjet Bashkisë së Tiranës dhe biznesit privat dhe kompania koncesionare e landfillit dhe inceneratorit të Tiranës nga dita e firmosjes së kontratës koncesionare.

SPAK ka kryer hetimet, ka bërë një sekuestrim. Kanë nxjerrë sërish si “trurin” e inceneratorëve shtetasin Mirel Mërtiri.

Ku shkuan 110 milionë euro të inceneratorit të Tiranës?
Mirel Mërtiri

Gjithashtu është përfshirë shtetasi Klodian Zoto, aksionerët e fjetur sipas SPAK-ut, administratori Ciaffaglione si dhe aksionerë, por ende askush nuk thotë ku shkuan 110 milionë eurot që kjo kompani mblodhi në të paktën 6 vite.

Sipas të dhënave të SPAK-ut fillimisht është nxjerrë një faturë me evazion fiskal dhe fshehje, apo punime fiktive rreth 5 milionë euro dhe paratë e tjera kanë vetëm një deklarim zyrtar publik të kompanisë, e cila pretendon se ka investuar rreth 30 milionë euro të tjera te landfilli i Tiranës.

Në fakt duke parë fryrjet e shifrave dhe duke parë zinxhirin e kompanive, nga hetimet e SPAK-ut, ditë pas dite, po dalin të tjerë skenarë sepse kompania e inceneratorit të Tiranës shumë prej punimeve i kryente me nënkontraktime.

Gjithashtu ka paguar miliona euro reklama. Pritet të zbulohen fatura të tjera fiktive dhe skema e mashtrimit në shuma të mëdha të jetë edhe më e madhe.

SPAK ende nuk ka përgjigje ku kanë shkuar dhjetëra miliona euro. Sipas të dhënave të kompanisë ka kredi të marra në banka, ka dhe një shumë të caktuar investimesh.

Totali i të ardhurave është 110 milionë euro, me gjithë kreditë ajo shkon diçka më tepër, por përflitet për një shumë nga 80-100 milionë euro afërsisht, për të cilat ende nuk dihet ku kanë shkuar.

SPAK dhe drejtësia duhet t’i japin përgjigje kësaj pyetjeje: “Ku shkuan këto para? Kush i mori?”

Në 6 vite, incenerator nuk ka, nuk u ndërtua. Me kaq para mund të ndërtohej një rrugë kombëtare 50 km me katër korsi.

Ku shkuan 110 milionë euro të inceneratorit të Tiranës?
Foto ilustruese

Me kaq para mund të ndërtoheshin 4-5 inceneratorë si ai i Elbasanit megjithëse nuk është i cilësisë së duhur dhe koston për t’u mbajtur në punë e ka 2-3 milionë euro në vit.

Mund të ndërtoheshin 3-4 inceneratorë si ai i Fierit. Paratë janë derdhur lumë. 60 milionë dollarë nga qeveria shqiptare dhe 50 milionë të tjera nga biznesi plus kreditë e marra nga kompania.

Askush deri më tani nuk jep përgjigje ku kanë shkuar këto para.

Ku kanë shkuar milionat e eurove të një grupi individësh që nga Fieri, Elbasani dhe Tirana kanë qarkulluar rreth 200 milionë euro nga të cilat 170 milionë euro të marra nga buxheti i shteti dhe biznesi privat?/ CNA

 





Lajmet e fundit nga