web counter
LEXO PA REKLAMA!

SHKARKO APP

App Store
Google Play

Dokumenti-Administratori i landfillit të Tiranës kapet sërish duke gënjyer

11 Prill 2023, 11:12, Denoncim CNA
Dokumenti-Administratori i landfillit të Tiranës kapet sërish
Foto ilustruese

Në një dalje të tij për mediat dy ditë më parë, administratori i landfillit të Tiranës, Herman Daniel Vermulen, përveçse sfidoi autoritetet e SPAK-ut për faktin se ata të fundit nuk kishin shkuar të shikonin punën e bërë në landfill, tha edhe disa të pavërteta të mëdha.

Së pari, gënjeu për bashkëpunimin me grupin e personave të shpallur në kërkim, Mirel Mërtirin, i cili njihet si truri i inceneratorëve, bashkëjetuesja e tij, Stela Gugallja, dhe Klodian Zoto. Pa folur për Giuseppe Ciaffaglione-n, i cili është edhe aksioner edhe administrator i kompanisë, së bashku me administratoren tjetër, Arjola Kodra, e cila është nën arrest shtëpie dhe nën akuzë nga SPAK-u.

Dokumenti-Administratori i landfillit të Tiranës kapet sërish

Sipas administratorit, në landfillin e Tiranës bëhej një punë e madhe. Akuzat ishin të pavërteta. SPAK-u nuk kishte shkuar, por dhe theksonte se paratë që paguheshin nga shqiptarët për landfillin 29 euro/toni ku nuk ka incenerator, pas afërsisht 6 vitesh nga firmosja e kontratës koncesionare, theksoi se paratë e shqiptarëve nuk shkonin për personat në kërkim.

Prej vitit të kaluar, siç kemi mësuar, në QKB janë shfaqur edhe tre aksionerët e rinj, të cilët pretendojnë se nuk kanë lidhje me Mirel Mërtirin, Klodian Zoton dhe personat në kërkim.

Në fakt, ne vërtetuam lidhjen e tyre. Vërtetuam faktin se si janë marrë si konsulente kompanitë e Stela Gugalles dhe Klodian Zotos, se si ka qenë administrator Giuseppe Ciaffaglione, ky është fakt dhe ai është një person në kërkim, bashkaksioner i kompanisë.

 

Dokumenti-Administratori i landfillit të Tiranës kapet sërish

Se si është në arrest shtëpie Arjola Kodra, për të shkuar më tej edhe te të tjera fakte, që tregojnë jo thjesht dhe vetëm bashkëpunimin, por edhe faktin se si Mirel Mërtiri, Klodian Zoto dhe Ciaffaglione janë "truri" i asaj që ndodh në Tiranë.

Kemi publikuar dhe një foto të Ciaffaglione-s me Zoton në inceneratorin e Tiranës, që nuk ekziston pranë landfillit, siç duan ta quajnë, apo në impiantin e përpunimit të mbetjeve.

Dokumenti-Administratori i landfillit të Tiranës kapet sërish

Sot po ju sjellim një tjetër dokument. Një dokument që akuzon drejtpërdrejt kompaninë.

Është paga që merr Mirel Mërtiri nëpërmjet një kompanie të tretë në Holandë për llogari të "Geogenix", mëmës së inceneratorit të Tiranës.

Pagesa është prej 5 mijë eurosh në muaj. Është "Geogenix" që ne treguam me dokumente që i garantoi Mirel Mërtirit rezidencën në Holandë, ndërkohë që ky ishte një person i shpallur në kërkim nga SPAK-u dhe kërkohej nga policia shqiptare.

Dokumenti-Administratori i landfillit të Tiranës kapet sërish

Ende nuk qe bërë shpallja në kërkim ndërkombëtar për shkak të afateve që ka ligji.

Por në dhjetor, Mireli, sipas dokumenteve, firmosi në Tiranë.

Dokumenti-Administratori i landfillit të Tiranës kapet sërish

Dokumenti-Administratori i landfillit të Tiranës kapet sërish

Ne sot nuk po u qëndrojmë thjesht dhe vetëm dy dokumenteve të para, të cilat shqiptarët i kanë lexuar, pra faktit që Mireli ka një kontratë me "Geogenix" nëpërmjet një kompanie të tretë dhe merr rezidencën në Holandë dhe do të ketë një pagë prej 5 mijë eurosh në muaj si menaxher apo si drejtor, kjo pak rëndësi ka, sepse Mireli na shfaqet edhe në Zimbabve si negociator, firmos dhe dokumentet në emër të "Geogenix", hap dhe llogari bankare e të tjera si këto.

Sot po tregojmë një dokument të muajit mars që tregon se sërish kompania "Toss" i jep rrogën Mirelit për llogari të "Geogenix".

Për ata që duan ta kenë më të thjeshtë, kompania, e cila qëndron ndërmjet Mirelit dhe "Geogenix" është një kompani ndërmjetësuese, e cila është një garantuese ligjore me institucionet për të gjithë procedurën e pagesës së pagave, sigurimeve, taksave e të tjera si këto.

"Geogenix" paguan këtë kompani dhe kjo kompani paguan Mirel Mërtirin. Ky dokument tregon se kompania mëmë e inceneratorëve e ka paguar Mirelin edhe në muajin mars.

Administratori thotë se paratë nuk shkojnë për personat në kërkim. Në fakt, ne kemi publikuar edhe një tjetër dokument, ky këtu që është publikuar më parë, që tregon se si kompania paguan avokatët e Giuseppe Ciaffaglione-s në Itali që ai të mos ekstradohet në Tiranë për shkak se ai është një person i shpallur në kërkim si administrator, por edhe si bashkaksioner me gati 30% të aksioneve të kompanisë "Geogenix", kompanisë mëmë të landfillit të Tiranës.

Janë dy raste të verifikuara që një person në kërkim si Giuseppe Ciaffaglione në proces gjyqësor paguhet nga "Geogenix" dhe paguhet nga procesi gjyqësor dhe i dyti është ky i Mirel Mërtirit që "Geogenix" i paguan Mirelit pagën në mars, por edhe në dhjetor, ku të dy janë persona të shpallur në kërkim ndërkombëtar.

Pra, si nuk ka lidhje dhe nuk e di administratori i landfillit të Tiranës që personat në kërkim ndërkombëtar nga SPAK-u që akuzohen për aferat e inceneratorëve në Shqipëri nuk marrin pagesa nga kompanitë e tij dhe këtë na e garantoi ky i fundit?

Administratori ka gënjyer publikisht dhe kjo është një provë për SPAK-un, sepse ai ka ndihmuar që të fshehin gjurmët e krimit.

Kompania po paguan njerëz, të cilët janë në kërkim ndërkombëtar, ndërsa administratori flet publikisht duke tentuar të gënjejë institucionet, SPAK-un, të fshehë gjurmët se kompania nuk paguan edhe për gjyqet e Ciaffaglione-s edhe për rrogën e Mirel Mërtirit që ai të qëndrojë në arrati dhe të vazhdojë aktivitetin kompania duke u fshehur pas emrave të tjerë dhe duke luajtur me skema të ndryshme që filloi në Tiranë dhe përfundojnë në Zimbabve e më gjerë./ CNA.al





Lajmet e fundit nga