web counter
LEXO PA REKLAMA!

SHKARKO APP

App Store
Google Play

Afera e inceneratorëve/ Këlliçi: Mirel Mërtiri dhe Stela Gugallja do japin shpjegim para komisionit hetimor

3 Nëntor 2021, 14:50, Politikë CNA

Deputeti i Partisë Demokratike Belind Këlliçi ka folur ditën e sotme për inceneratorët, të cilën ai e quan si afera më e madhe korruptive në 30 vitet e fundit.

Në një intervistë për MCN Tv, Këlliçi deklaroi se ngritja e komisionit hetimor ka si objekt zbulimin e këtyre aferave korruptive që ti bëjmë të ditur opinionit publik se çfarë ka ndodhur me këto tre projekte.

I vendosur që kësaj afere ti shkojmë deri në fund pavarësisht se çfarë bën Rama, ai tha se kjo është një çështje jetike që ka të bëjë me paratë e shtetit ku sipas tij ne sot po shkojmë 100% në kufirin e borxhit publik.

?Ajo që është kryesore janë tri incineratorët sepse është afera më e madhe korruptive në 30 vite demokraci. objekti i këtij komisioni është të zbulohen këto afera korruptive që ti bëjmë të ditur opinionit publik se çfarë ka ndodhur me këto tre projekte.

Kësaj afere ne do i shkojmë deri në fund dhe më në fund jemi në këtë studio për këtë çështje që është jetike për paratë e shtetit sepse ne sot po shkojmë në kufirin e borxhit publik. Në 8 vite qeverisje borxhi është në kufijtë e 100%. Afera është kriminale, ku ka plehra ka dhe mafie, ku ka plehra ka dhe politikë?, tha Këlliçi.

Deputeti më tej foli edhe me emra konkret të personave të implikuar, për të cilët deklaroi se do të japin llogari para komisionit. Sipas tij, kompania përfituese e inceneratorëve me 1 mijë lek të vjetra marrin dhjetëra milion lekë.

?Në dijeninë time e kanë detyrim ligjor se kur ngrihet një komision hetimor duhet të paraqiten për të dhënë dëshminë e tyre. Jam i bindur se do të vinë dhe paraqiten dhe po ju bëj me dije se nuk është kaq lista, do të thërriten grupe të auditit, anëtarët të gjithë personat që kanë lidhje. Askush nuk do i fshihet kësaj çështje edhe Mirel Mërtiri dhe Stela Gugallja. Këta persona duhet të japin shpjegime se kompani me 1 mij lek të vjetra marrin dhjetëra miliona?, tha Këlliçi./CNA.al





Lajmet e fundit nga