LEXO PA REKLAMA!

SHKARKO APP

“Kushdo që merr partinë duhet të godasë oligarkinë”/ Lubonja: Nevojiten protesta

3 Nëntor 2021, 13:48, Politikë CNA
“Kushdo që merr partinë duhet të godasë

Analisti Fatos Lubonja ka komentuar situatën politike në Partinë Demokratike, dhe lëvizjen e ish-kryeministrit Sali Berisha.

Në studion e News 24, Lubonja theksoi se kushdo që do të vijë në krye të PD, duhet të zhvillojë protesta sistematike dhe të godasë oligarkinë dhe sistemin aktual.

Vetëm në këtë mënyrë sipas tij, PD mund të rikthehet në krye të vendit.

?Unë mund të them për Berishën një mijë të zeza, por ngjarjen e shoh në kontekst. Shoh Berishën, Bashën, PD dhe analizoj pluset dhe minuset në raport për këtë luftë për pushtet dhe e dyta lufta për pushtet, se çfarë mund të sjellë më mirë fitorja e njërit prej tyre. Nga kjo do të kuptojmë në fund fare nëse nesër do të kemi një opozitë më të mirë, e të fortë, apo më të dobët. Gjithmonë ka luftë për pushtet, ai që ka pushtetin është Basha, ky kërkon t?ia marrë.

Në këtë luftë për pushtet, do të marrim në analizë avantazhet dhe disavantazhet e njërit dhe të tjetrit. Unë gjykoj se Berisha, ka disavantazh më të madh që iu ka dhënë shansi për t?i bërë mirë shqiptarëve dy herë për të ardhur në pushtet dhe ka dështuar. Ka krijuar një figurë që ka probleme të mëdha me shqiptarët. Ky është disavantazhi i madh i Berishës. Një kthim i tretë i Berishës është një zhgënjim e zonës gri. Nëse flasim për një parti që ruan akoma një frymë, ky e ka 20% dhe ka një avantazh tjetër. Basha ka avantazhin e një figure të re, që te të huajt krijon idenë që tani ka ardhur një brez tjetër. Këtë avantazh e ka, por ka krijuar disa disavantazhe. Duke qenë figurë e dobët, delfin i Berishës. Ky e ka partinë copë-copë, me kundërshtarë nga e gjitha anët.

Po ashtu ka dhe mungesën e kurajës, për t?i thënë Jo ndërkombëtarëve, sidomos në këto situata. Manipulohet me këtë idenë se po patëm Amerikën fitojmë. Por takimet e Berishës tregojnë që shqiptarët nuk e kanë problem këtë pjesë. Lidhur me fjalën peng, unë ndahem nga Berisha, në sensin që PD është peng i Ramës. Rama është njëra anë e këtij regjimi, ana tjetër është i gjithë oligarkia, krimi i organizuar që përbën regjimin. PD është peng i kësaj dopiomedalje. Nuk duhet përqendruar te Rama problemi, sepse nëse duan të vijnë në pushtet duhet të godasësh oligarkinë që Rama ka me vete. Edhe Berisha kursehet për të goditur oligarkinë që lidhet me PD, këtë s?e bën as Basha. Ata duhet të godasin oligarkinë, nëse nuk e kuptojnë këtë, as Basha, as Berisha nuk kthehet në pushtet.?-tha Lubonja./CNA.al

Lajmet e fundit nga