web counter
LEXO PA REKLAMA!

SHKARKO APP

App Store
Google Play

E fundit!

x

“Basha na siguroi se nuk do t’i digjte mandatet”/ Edmond Spaho zbërthehet me Grida Dumën

3 Nëntor 2021, 07:43, Politikë CNA

Deputeti i PD Edmond Spaho i është kundërpërgjigjur deputetes Grida Duma e cila deklaroi se ‘faj kanë deputetët e vjetër të cilët nuk thanë ?jo? për djegjen e mandateve’.

Me anë të një postimi të gjatë në rrjete sociale, Spaho radhit një sërë arsyesh që i kanë bërë që sot të jenë kundër Lulzim Bashës, atë dhe plotë të tjerë.

Gjithashtu, Spaho, i cili e quan Dumën mike, e këshillon atë që të mos nisë historira me armiq të dorës së dytë, pasi ka shumë gjëra të pathëna, të paditura dhe konfidenciale.

Ndër të tjera Spaho thekson se përgjegjësi i vetëm për këtë situatë në PD është Lulzim Basha, pasi ai doli edhe kundër ndërkombëtarëve duke djegur mandatet.

?Të lutem, mos hyr në terren të panjohur. Ka shumë gjëra të pathëna, të paditura, konfidenciale. Lëre më mirë këtë histori me armiq të niveleve të dyta?, këshillon Spaho, Dumën.

?Po bëhet zakon që të akuzohen të vjetrit, ata që nuk folën, ata që duhet të flisnin, rrethi i dytë i Bashës, etj.

Po Kryetari a ka ndonjë çikë përgjegjësi apo faji është jetim ose i të tjerëve?

Para se te akuzosh të tjeret mikja ime, pyet veten se përse Kryetari mori këtë vendim i vetëm dhe përse nuk fole ti si pjesë e Grupit Parlamentar kur kishe mundësi dhe duhej të flisje.

Besoj nuk ke harruar që në mbledhjen e Grupit Parlamentar, Kryetari para se te merrej vendimi na siguroi që kjo çështje eshte rakorduar me komunitetin ndërkombëtar.

A e di ti ti që shume prej nesh gjatë gjithë vitit 2018, kur çmenduria e djegjes se mandateve mori hov, e kemi këshilluar Kryetarin të mos bëjë gabimin fatal, që të djegë mandatet?

A e di ti që në Prill 2018 gjatë vizites sonë në Bundestag, të gjithe miqtë gjermanë i kanë kërkuar të mos bojkotojë institucionet dhe të luftojë në Parlament?

A e di ti mikja ime, që kryetari gjatë gjithë vitit 2018 na ka siguruar në rrethe të ngushta, që nuk bëhet fjalë që PD të djegë mandatet?

A e di ti mikja ime që në takimet që kemi pasur me zyrtaret më të lartë të Departamentit të Shtetit si Drejtoreshën e Europës Qendrore dhe Lindore Susan Falatko dhe zyrtarët më të lartë të Ambasadës të SHBA në Tiranë, në Tetor 2018 i kemi siguruar që Basha është kundër dhe nuk do i djegë mandatet?

Kjo menyrë si flet ti mikja ime më kujton historinë e atij fakirit që i vodhën lopën dhe që të gjithe e shanin e i bërtisnin.

Në një moment trishtimi të madh fakiri pyeti: dakord faji është i imi, por ai që vodhi lopen a kë ndonjë çikë faj?

Te lutem, mos hyr në terren të panjohur. Ka shumë gjëra të pathëna, të paditura, konfidenciale. Lëre më mirë këtë histori me armiq të niveleve të dyta?, përfundon Spaho, reagimin e tij./CNA.al





Lajmet e fundit nga