A e stisi Mirel Mërtiri dhe Stela Gugallja shkrimin kundër Metës?

16 Maj 2022, 10:53, Aktualitet CNA

Gazeta austriake ?Kronen Zeitung?, ka denoncuar sot një histori, ku sipas saj qëndron një aferë korruptive që ?mund të trondisë politikën shqiptare? dhe të ?rrëzojë presidentin e Republikës së Shqipërisë?.

Sipas gazetës austriake, Meta pagoi 700,000 mijë dollarë për lobim përmes një kompanie qipriote guackë, që të siguronte një foto në ceremoninë e inaugurimit të Presidentit Amerikan Donald Trump.

?Sipas dokumenteve gjyqësore amerikane, 700,000 dollarë kanë kaluar përmes kompanisë offshore Dorelita Limited nga një avokat i afërt me Metën?, shkruan “Kronen Zeitung”.

Po ashtu, në shkrimin në fjalë thuhet se një denoncues kërkon mbrojtje në Austri nga kërcënimet me vdekje që ai pretendon se ka marrë, pasi zbuloi aferën e pretenduar të Presidentit Shqiptar, Ilir Meta.

Gazeta denoncon edhe shpenzimet e tjera për lobim të çiftit presidencial:

?Në listën e tyre të dyshimtë të shpenzimeve: 50 mijë euro në muaj për takime me senatorë amerikanë, darkë, udhëtime dhe me sa duket edhe operacione estetike për zonjën Meta, Monika Kryemadhi, e cila mori kryesinë e LSI-së nga bashkëshorti i saj?, shkruhet në artikull.

CNA.al ka mundur të verifikojë me burime konfidenciale se personi që fshihet në Vjenë, Austri, është Mirel Mërtiri dhe Stela Gugallja, ku kanë edhe vajzat e tyre të regjistruara në shkollë.

LSI-ja dhe Monika Kryemadhi, përtej çdo akuze politike, për historikun e tyre dhe për gjithçka tjetër, në rastin e inceneratorëve janë e vetmja forcë politike që qëndruan drejt, dhe me fakte dhe me dokumente dhe nuk kursyen as mbështetësit e tyre. Ky është një fakt.

Po ashtu kanë qenë të pakta edhe mediat që e kanë denoncuar, si “CNA.al”, “BIRN”, “Zëri i Amerikës”, “TPZ”, apo deri diku edhe “Syri”.

Ndërsa ish-kreu i PD-së, Lulzim Basha, fliste part time, televizionet u blenë, u shitën. Dhe sot një ish-ministër dhe një ish-sekretar i përgjithshëm janë në burg. Kurse Mirel Mërtiri dhe Stela Gugallja, fshihen në Austri.

Por, a mund të qëndrojë pas skenarit të sulmit ndaj LSI-së, sot, Mirel Mërtiri dhe Stela Gugallja?

LSI-ja mund të ketë shumë për t?i sulmuar. Mund ta sulmojnë mediat në Amerikë, në Angli, në Gjermani. Ka shkruar dhe CNA.al kundër LSI-së, ditë pas dite.

Por, i gjithë thelbi qëndron te pyetja, sa i vërtetë është lajmi që ka botuar gazeta austriake?

Sa i besueshëm është ai lajm në mënyrën e artikulimit dhe të shkruarit?

Është një lajm i porositur, i paguar dhe kush e ka paguar?

Kush e ka porositur dhe kush e ka paguar?

Rastësisht edhe pse i shpallur në kërkim, në Austri jeton full time, Mirel Mërtiri, Stela Gugallja dhe vajzat e tyre.

Kush e ka bërë shkrimin kundër? A mund të jenë sponsor këta persona, të cilët në fakt janë ?koka? e aferës së inceneratorëve dhe më të dëmtuarit nga hetimet që ka bërë SPAK-u.

Kjo ngre dyshime, se skenari mund të jetë ndërtuar edhe në godinën e Kryeministrisë e më pas porosia të jetë çuar në Vjenë.

Në godinën e Qeverisë ?Rama? ka ende shumë persona që SPAK-u, po i heton për inceneratorët./CNA.al

Afera 700.000$ e presidentit shqiptar/ Gazeta austriake denoncon skandalin, kërcënohet me jetë personi që zbuloi faktet