web counter
LEXO PA REKLAMA!

SHKARKO APP

App Store
Google Play

E fundit!

x

Finalja e Ligës së Konferencës në Tiranë/ A do të shkaktojnë trazira tifozët e Fejnordit?

15 Maj 2022, 15:03, Aktualitet CNA

Të mërkurën e 25 majit, në stadiumin ?Air Albania? do të mbahet finalja e Ligës së Konferencës Roma-Fejnord.

Por teksa ndeshja po afrohet, kanë filluar edhe shqetësimet për trazira në Tiranë nga tifozët e dy ekipeve kundërshtare.

Kjo pasi armiqësia mes tifozerisë së Romës dhe Fejnordit është e vjetër, ajo daton që në shkurt të vitit 2015. 7000 tifozë holandez zbarkuan në Romë për duelin e vlefshëm për Europa League në atë kohë, por ata ishin aq të zhurmshëm saqë bën lëmsh një nga qytetet më të mëdha në Europë. Në atë kohë, policia italiane e pati të vështirë për të neutralizuar përplasjet mes tifozerive.

Por ky nuk është rasti i vetëm kur tifozët e Fejnordit kanë krijuar situata të pakëndshme dhe të paprecedenta. Në maj të 2017-ës, huliganët e ekipit të Fejnordit shkaktuan trazira në Roterdam pas ndeshjes Excelsior ? Fejnord. Ata krijuan rrëmujë e shkatërrime kudo që kaluan, ndërsa nuk i kursyen as sulmet ndaj policisë.

Edhe në 5 maj të këtij viti pati përleshje të dhunshme dhe të përgjakshme mes tifozëve të Olimpik Marsejës dhe Fejnordit përpara ndeshjes së dytë gjysmëfinale të Ligës së Konferencës në Stade Velodrome. Ata përdorën shufrat e hekurit në sulme brutale, shkatërruan automjete dhe policia e pati mjaft të vështirë për të mbajtur situatën nën kontroll.

Tashmë pritet që këta tifozë të vijnë në Tiranë, ndërkohë që ngrihet pyetja nëse policia shqiptare ka trajnimin e duhur për situata dhe përplasje të tilla./ CNA.al





Lajmet e fundit nga