web counter
LEXO PA REKLAMA!

SHKARKO APP

App Store
Google Play

Bardhi: Beteja ime kundër Berishës ishte e gabuar, kërkoj ndjesë

14 Shkurt 2024, 22:45, Politikë CNA

Bardhi: Beteja ime kundër Berishës ishte e gabuar, kërkoj

Kreu i Grupit Parlamentar të PD-së, Gazment Bardhi shprehu pendesë për betejën kundër Partisë Demokratike që drejtohet nga Sali Berisha.

Bardhi tha në emisionin e Erla Mëhillit se beteja e egër që ai dhe demokratët bënë rezultoi e gabuar.

Ai deklaroi se si përfundim e humbi betejën ndaj ish-kryeministrit Sali Berisha, ndërsa theksoi se nuk e ka kompleks t’i kërkojë ndjesë demokratëve.

“U vu në pikëpyetje ekzistenca e Partisë Demokratike. Në politikë ka një kohë për të bërë betejë në gjërat që ti beson, ka një kohë për të reflektuar dhe për të parë rezultatin e kësaj beteje dhe ka një kohë për të marrë vendime. Ajo që ka ndodhur me mua dhe me kolegët e mi, është ekzaktësisht kjo. Ne kemi bërë betejë sepse mendonim se është një rrugë.

Besoja se interesi më i mirë i demokratëve ishte një rrugë tjetër. Për këtë bëra betejë dy vite. Ka ndryshuar strategjia kur shikoj se nga beteja ime dhe nga beteja e grupeve të tjera, po tentohet të dobësohet Partia Demokratike.

Ti duhet të bësh një zgjedhje në varësi të rrethanave. Ne të gjithë kemi bërë gabim i hymë një rruge për shkak të besimit që kishim. Unë kam kërkuar ndjesë dhe nuk kam asnjë kompleks. Unë e kam humbur atë betejë. Të gjithë ne kemi gabuar nga lufta e egër brenda Partisë Demokratike”, theksoi kreu i Grupit Parlamentar të PD-së./ CNA





Lajmet e fundit nga