web counter
LEXO PA REKLAMA!

SHKARKO APP

App Store
Google Play

E fundit!

x

Mesazhi që do t’i jepte Ramës takimi i Blinken-it me Dumanin

13 Shkurt 2024, 15:47, Aktualitet CNA
Mesazhi që do t’i jepte Ramës takimi i Blinken-it me Dumanin
Altin Dumani dhe Antony Blinken

Deputeti Agron Gjekmarkaj ka folur në lidhje me vizitën e sekretarit amerikan të shtetit, Antony Blinken, në Tiranë dhe takimin e planifikuar me kreun e SPAK-ut, Altin Dumani.

Gjekmarkaj tha se takimi me Dumanin do t’i japë më shumë forcë SPAK-ut që të veprojë kundër qeverisë apo eksponentëve të saj të përfshirë në korrupsion.

Ai theksoi se ky takim do të ishte edhe një mesash për pushtetin, që sipas tij rrezikon të bëhet armiku i këtij institucioni të drejtësisë.

“Mendoj që çdo zyrtar që vjen nga SHBA-ja është i mirëpritur dhe duartrokitur nga shqiptarët. Vizitën e Blinken-it e shoh si moment pozitiv për Shqipërinë dhe çdo koment do të ishte i tepërt.

Nuk e di agjendën e Blinken-it, nëse do të takojë Dumanin do t’i japë zemër SPAK-ut të veprojë kundër qeverisë dhe ta mbrojë nga qeveria.

Nuk është opozita që e rrezikon SPAK, por pushteti i cili është absolut, që mund të shndërrohet në armikun e tij. Nëse kjo ndodh, ka informacion që ka presion mbi SPAK”, tha Gjekmarkaj.

Blinken pritet të vizitojë Shqipërinë më 15 shkurt, ndërsa është planifikuar që të mbajë një takim edhe me Dumanin.

Ky takim vjen në një kohë kur CNA ka denoncuar skemën e qeverisë për të kontrolluar SPAK-un me komisionin “Ad-Hoc”.

Këto lëvizje të socialistëve kanë vënë në alarm ndërkombëtarët, të cilët kanë shprehur publikisht mbështetje të palëkundur për SPAK-un./ CNA





Lajmet e fundit nga