LEXO PA REKLAMA!

SHKARKO APP

Kush janë prokurorët e SPAK-ut që “flirtojnë” me pushtetin?!

11 Mars 2024, 14:10, Editorial CNA

Kush janë prokurorët e SPAK-ut që “flirtojnë” me

Në Shkodër, kreu i SPAK-ut, Altin Dumani, në datën 25 janar të vitit 2024 theksoi se “Gjithçka varet nga integriteti i secilit prokuror dhe gjykatës, mund të jesh i pavarur, por zgjedh të ‘flirtosh’ me pushtetin”.

Po kush janë këta prokurorë, gjyqtarë që “flirtojnë” me politikën, me pushtetin?

Në fakt, ata duhet të jenë objekt hetimi. SPAK-u do të ishte më i pastër, më i ndershëm dhe më i vërtetë në rast se vetë kolegët e tyre do të hetoheshin apo merrnin ndëshkimin ligjor pikërisht për faktin e lidhjeve politike dhe korrupsioni në bashkëpunim me politikanë.

Ka mjaft dosje në SPAK dhe prokurorë, ndaj të cilëve janë ngritur akuza politike, dikush është edhe krenar, për pjesën politike për bindjet e tij. Ajo dihet dhe botërisht.

RASTI I EDVIN KONDILIT DHE DRITAN PRENÇIT

Rasti i Edvin Kondilit me Ilir Beqajn është jo pak flagrant.

Nga ana tjetër, Dritan Prençi, prokurori që ka në dorë inceneratorin e Tiranës, që nuk ekziston, dhe ka hetuar dosjen e inceneratorit të Fierit, del sërish zbuluar. Ky i dyti edhe me një vendim nga gjykata, për shkak se hetimet nuk ishin kryer në formën e duhur. Gjithashtu ndaj Prençit ka pasur edhe një kallëzim.

Ai ka në dorë hetimin e inceneratorit dhe landfillit të Tiranës, por dosja vazhdon të ngelet në nivele shumë të ulëta thjesht dhe vetëm te Taulant Tusha, a thua se ky ishte problemi kryesor.

Se kush e kërkoi atë incenerator, pse nuk u ndërtua dhe kush i vodhi paratë qindra miliona euro për këto kompani, ende nuk ka fajtor. Thuhet “truri”, Mireli, thuhet ka pasur bashkëpunëtorë të tjerë, thuhet janë Klodi e Stela, zyrtari më i lartë është thjesht dhe vetëm një drejtor i Bashkisë së Tiranës.

Kush janë prokurorët e SPAK-ut që “flirtojnë” me

HISTORIA E LEFTER KOKËS DHE ALQI BLLAKOS NUK MUND TË JETË KAPAK PËR ÇËSHTJEN E INCENERATORËVE SADO ATA TA MARRIN PËRSIPËR.

Kush janë prokurorët e SPAK-ut që “flirtojnë” me

Pak apo shumë të dënohen, kjo nuk ka rëndësi. Inceneratorët nuk janë një vullnet kaq i thjeshtë i një individi se si një ministër Mjedisi pa buxhet dhe pa fonde mund të qarkullojë qindra miliona euro në bashki të caktuara.

Çështja e inceneratorëve dhe Dritan Prençi kanë mjaft dyshime, sidomos vonesa e Tiranës, copëtimi dhe ndarja e çështjeve që bëri Arben Kraja, një tjetër prokuror i akuzuar për lidhje politike, ish-kreu i mëparshëm i SPAK-ut.

Ka edhe të tjetër, por jo për sulme, për të vërteta, për të çuar deri në fund vjedhjen e shekullit, hetimin për inceneratorët.

DOSJA “5D”

Nga ana tjetër, në SPAK po hetohet një tjetër dosje e rëndësishme. Një dosje mjaft thelbësore, siç është dosja “5D” e zyrtarëve të Bashkisë Tiranë. Dhjetëra fakte dhe prova të publikuara, por dhe të ditura botërisht.

Nga ana tjetër ende mbahet pa veprim. Ndoshta prokurorët “flirtojnë” me pushtetin, ndoshta kanë frikë nga pushteti, paguhen me dhjetëra miliona lekë në vit nga qytetarët shqiptarë. Kanë përfitime speciale të mirëpërcaktuara në ligj.

Kanë shkuar me garë, pra, e kanë kërkuar vendin në SPAK, por kurrsesi nuk mund të jenë atje për “flirte” me pushtetin apo për të mbajtur dosje pezull. Në rast se dikush ka frikë nga politika dhe pushteti nuk ka pse shkon atje.

Mjafton të japë dorëheqjen, të largohet, se ndoshta ia ka zënë vendin dikujt që ka shumë më kurajë qytetare për t’u përballur me të vërtetat e dhimbshme të krimit dhe të korrupsionit politik në Shqipëri.

E në rast se “flirtimi” është një fakt i thënë nga vetë goja e kreut të SPAK-ut, zoti Dumani, nga ana tjetër kemi prokurorë që i vonojnë vetë dosjet, i bëjnë ato tërkuzë apo dëmtojnë hetimet dhe i lënë në nivele shumë të ulëta.

SPAK-u shpesh nuk është ai që pritej, sepse qytetarët kërkojnë më shumë, duan më shumë, jo ndëshkim të padrejtë, por ndëshkim sipas ligjit, për të krijuar një standard të ri në shoqërinë shqiptare, për të ndalur abuzimet, vjedhjet dhe korrupsionin, që të mos kemi zyrtarë që e rrjepin vendin dhe shqiptarët e varfër.

Të frenohen dhe të mendohen dy herë sepse përballë kanë një trup hetuesish, prokurorësh të ndershëm, patriotë, të cilët dinë të mbrojnë qytetarët e tyre, të cilët i paguajnë dhe i kanë vendosur që të jenë pikërisht muri më i lartë kundër korrupsionit dhe përballja më e ashpër me të korruptuarit.

Në fakt “flirtime” me politikën dhe me mosveprimet e disa individëve brenda SPAK-ut flasin jo pak dhe pyll pa derra s’ka, por në fakt derrat e politikës të fshehur në SPAK janë edhe më problem sesa thjesht disa prokurorë që nuk veprojnë apo që janë fansa të pushtetit politik./ CNA

Lajmet e fundit nga