web counter
LEXO PA REKLAMA!

SHKARKO APP

App Store
Google Play

SPAK, masë më të rreptë sigurie?/ Berisha sulmon Dumanin: Sillet si bandit

6 Nëntor 2023, 14:01, Politikë CNA
SPAK, masë më të rreptë sigurie?/ Berisha sulmon Dumanin:
Ish-kryeministri Sali Berisha

Ish-kryeministri Sali Berisha nuk u paraqit sot në SPAK dhe ligji parashikon marrjen e një mase sigurie më të rreptë.

Pikërisht për këtë u pyet nga gazetarët sot Berisha, por ky i fundit tha se nuk konsideron asnjë vendim pa ardhur në Kuvend.

“Ditën e sotme unë nuk kam asnjë njoftim, përveç njoftimeve publike. Ato nuk kanë asnjë vlerë. Unë kam një institucion, dhe institucioni zyrtar i punës për mua është parlamenti i Shqipërisë.

Çdo njoftim, kushdo që të ketë nga institucionet, për deputetin, e sjell në parlament. Këtu nuk ka ardhur asnjë gjë. Asnjë njeri nuk ka marrë asnjë dokument”, u shpreh ai.

Më tej, kreu i PD-së u pyet se cili do të jetë veprimi i tij nëse SPAK dërgon kërkesën për heqjen e imunitetit në Kuvend.

Ish-kryeministri sulmoi kreun e SPAK-ut, Altin Dumanin, teksa tha se nuk guxon që të dërgojë kërkesë në Kuvend, pasi sillet si bandit dhe jo si zyrtar.

“Ai nuk guxon ta bëjë këtë se duhej të sillej jo si bandit, por si zyrtar dhe të kërkonte që Sali Berisha të paraqitet, këto dhe këto... dhe ta vendoste parlamenti, do ta votonte edhe Sali Berisha vetë.

Por ai nuk e bën këtë se do të sillet si bandit. Dhe ju dhe askush nuk duhet të bëjë avokatinë e një banditi. Se avokatia e një banditi nuk i shërben askujt. Ai nuk guxon ta bëjë këtë se ai do të sillet si bandit”, theksoi Berisha./ CNA





Lajmet e fundit nga