LEXO PA REKLAMA!

SHKARKO APP

Berisha: Rama në grahmat e fundit, detyroi deputetët të bëjnë "tarzanin"

6 Nëntor 2023, 13:17, Politikë CNA
Berisha: Rama në grahmat e fundit, detyroi deputetët të
Kryetari i Partisë Demokratike, Sali Berisha

Kryetari i Partisë Demokratike, Sali Berisha, ka reaguar ashpër për situatën e krijuar këtë të hënë në Kryesinë e Kuvendit, ku deputetët u ndaluan të hyjnë brenda godinës dhe u ngjitën nga dritarja.

Në një prononcim për mediat, Berisha tha se vendi është në një situatë kritike, pasi qeveria nuk po lejon deputetët të shkojnë në zyrën e tyre.

Ai deklaroi se deputetët u detyruan të bëjnë "tarzanin" dhe të ngjiten nëpër mure që të shkonin në mbledhje.

“Situata kritike që ndodhet në vend, tregon frikën e tmerrshme, lepurin e madh që i ka hyrë në bark Edi Ramës dhe organizatës së tij kriminale. Kurrë ndonjëherë nuk mundet një roje të ndalojë një deputet të hyjë në një institucion, pa le më në zyrën e tij.

Deputeti nuk mund të pengohet kurrë të hyjë në zyrën e tij. Kjo ndodhi sot me Edi Ramën, i cili edhe një herë në grahmat e fundit, në përpëlitjet e tij nuk njeh ligjin dhe kushtetutën.

Deputetët u detyruan të bëjnë 'tarzanin', të ngjiten nëpër mure që të hyjnë në zyrën e tyre. Është një rast unik në planet”, theksoi Berisha./ CNA

Lajmet e fundit nga