web counter
LEXO PA REKLAMA!

SHKARKO APP

App Store
Google Play

E fundit!

x

Sot, dita e parë e detyrimit të paraqitjes/ A do të shkojë Berisha në SPAK?

6 Nëntor 2023, 07:45, Politikë CNA
Sot, dita e parë e detyrimit të paraqitjes/ A do të shkojë
Ish-kryeministri Sali Berisha

GJKKO vendosi masën e sigurisë “detyrim paraqitje” për ish-kryeministrin Sali Berisha dhe sipas vendimit këtij të fundit i duhet të paraqitet dy herë në muaj para oficerëve të policisë gjyqësore.

Kjo e hënë e 6 nëntorit është data për paraqitjen e parë të Berishës.

Deri më tani nuk dihet nëse ish-kryeministri do të paraqitet në SPAK para policisë gjyqësore.

Por më herët, Berisha është shprehur se nuk e njeh vendimin e GJKKO-së, pasi sipas tij është antikushtetues.

Sipas ligjit, nëse kryedemokrati nuk paraqitet në SPAK, GJKKO mund të marrë një masë më të rëndë.

Kujtojmë se SPAK ka ngritur akuzat se Berisha ka konsumuar veprën penale të “Korrupsionit pasiv të funksionarëve të lartë shtetërorë ose të zgjedhurve vendorë”, kryer në bashkëpunim me dhëndrin e tij, Jamarbër Malltezin.

SPAK pretendon se Berisha, në cilësinë e tij si Kryeministër, ka favorizuar procedurat e privatizimit të ish-kompleksit "Partizani" dhe përfitues i drejtpërdrejtë ka qenë Malltezi.

Në tokën e ish-kompleksit "Partizani", Malltezi në cilësinë e investitorit nga shoqëria “Homeplan” sh.p.k., ka kryer ndërtime dhe përfitimet llogariten në shumën 672 miliardë lekë ose 5 milionë euro./ CNA





Lajmet e fundit nga