LEXO PA REKLAMA!

SHKARKO APP

Balluku: Rritje pagash për punonjësit e OSHEE-së

6 Nëntor 2023, 11:44, Politikë CNA
Balluku: Rritje pagash për punonjësit e OSHEE-së
Zv.kryeministrja dhe ministrja e Energjitikës, Belinda Balluku

Zv.kryeministrja dhe ministrja e Energjetikës, Belinda Balluku mbajti këtë të hënë një takim me OSHEE-në, ku deklaroi se do të ketë rritje pagash për të gjithë punonjësit.

Balluku tha se do të ketë rritje edhe për administratën publike gjatë 2024, përllogaritur në buxhetin 2024.

“Të gjitha pagat e OSHEE grup do të afektohen me një rritje sipas sektorëve. Pasi synimi ka qenë për t’i dhënë një shpërblim punonjësve të terrenit duke filluar nga elektricistët, teknikët, inxhinierët dhe pse jo faturistët, të cilët janë zanafilla e mbledhjes së atyre të ardhurave, që administratori juaj i deklaroi me krenari dhe është për t’u deklaruar sepse muaji tetor është mbyllur me një shifër rekord, me 113% të mbledhjes së të ardhurave”, u shpreh ajo.

Zv.kryeministrja tregoi vetëm pagën e elektricistit, për të cilën theksoi se nga 50 mijë lekë do të shkojë 70 mijë lekë.

“Unë do t’i referohem vetëm pagës së elektricistit, pasi ai ka qenë meraku im kryesor dhe me Enean kemi punuar pikërisht duke nisur nga baza dhe duke shkuar lart dhe paga e elektricistit që ka qenë 50 mijë lekë, shkon në 70 mijë lekë, një ndryshim prej 29%”, nënvizoi Balluku.

Pagat e reja e reja për këtë sektor do të hyjnë në fuqi që nga ky muaj./ CNA

Lajmet e fundit nga