E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Një kërkesë miqësore zotit Carlo Bollino

12 Janar 2024, 16:12, Satire CNA

Një kërkesë miqësore zotit Carlo Bollino

Foto ilustruese

I nderuar zoti Bollino,

E shikojmë që ëndrrat dhe makthet, problematikat e tua pas denoncimeve të bëra nga opozita apo kallëzimeve të shkuara që janë çuar në SPAK, të bëjnë të kesh reagime të ashpra.

Reagime direkt, indirekt, anonime ose jo me gjobaxhinjtë që i strehon aty dhe i mohon tek ato mediat e tua, me budallallëqe që nuk i bëjnë më përshtypje askujt dhe këtë ti e di mirë.

Me sulme dhe akuza që nuk e stepin askënd, thjesht dhe vetëm na japin kurajë e duke qenë se ti ke një Carlo tjetër apo disa Carlo të tjerë në mendjen tënde, ndryshe nga ai i kallëzimit të bërë në SPAK me 10 akuza, ne kishim një kërkesë miqësore për ty.

Carlo Bollino

Si ato që ti u thua mediave lart e poshtë, ne jemi media, nuk duhet të sulmojmë njëri-tjetrin, nuk duhet t’u japim hapësirë politike që t’u bëjmë qejfin.

Aman, të lutem, një kërkesë kemi, po na e plotësove këtë, ne nuk shkruajmë më për ty. Ne jemi të gatshëm të raportojmë atë që thua ti, qoftë kjo dhe e pavërtetë.

Megjithëse deri tani nuk ke nxjerrë asnjë fakt dhe asnjë provë që të tregosh të kundërtën e atyre provave, të cilat janë çuar në SPAK, që tashmë në fakt duhet t’ua sqarosh prokurorëve.

Mediat në Kinostudio dhe toka e gjimnazit për Carlo Bollino-n
5 Janar, 14:49

Të lutemi miqësisht. Ka mundësi të mos na shash më nga Muli?! Se po shave Flamur Nokën ne nuk mbahemi dot. Deri te ky e kemi.

Foto-ilustruese

Na ke share, çfarë s’na ke thënë, mirë ke bërë. Ti e gjobaxhinjtë që strehon ti e kushdo me radhë, s’e kemi hiç problem. Fort e më fort, pushka top t’u bëftë. Por, të lutem, nga Flamur Noka mos na shaj. Mulin mos e shaj se ti e di që ne Mulin e duam shumë. Ndoshta pak më shumë se ty, se jemi sensitivë në këtë rast.

Prandaj, i dashur Carlo, të lutem ndale sulmin ndaj Mulit. Për hatrin tonë. Ky mund të jetë një shteg i ri negociatash midis nesh, si ato që kërkove pak javë më parë me një biznesmen. Por këto do t’i themi në ditët në vijim me fakte dhe me prova. Por, të lutem, Mulin aman, Mulin mos, se aty s’mbajmë Carlo./ CNA